© २०२३
२८ मंसिर २०८२, आइतबार
२८ मंसिर २०८२, आइतबार
पाल्पा, ६ माघ ।
माथागढी गाउँपालिकाको आयोजनामा एकीकृत घुम्ती सेवाको सुरुवात भएको छ । घुम्ती शिविरको प्रदेश सरकारका स्वस्थ्य मन्त्री खेम बहादुर शारुले उद्घाटन गरे । स्थानीय सरकारबाट प्रवाह हुने सेवा सुविधालाई आम नागरिकको सहज पहुचमा पुग्ने गरी सेवा प्रदान गर्नु पर्ने मन्त्री सारुले बताए ।
स्थानीय सरकारबाट प्रवाह गरिने सेवा अन्तर्गत कृषि भेटेनरी स्वास्थ्य परीक्षण दन्त उपचार सेवा जेष्ठ नागरिक परिचय पत्र वितरण गर्ने गरी घुम्ती सेवाको सुरुवात गरिएकाले स्थानीयलाई सेवामा समाहित हुनलाई गाउँपालिकाका अध्यक्ष यम चिदीले आग्रह गरे ।
गाउँपालिकाको वडा नम्वर २ को दिब्यज्योती माध्यमिक विद्यालयमा आयोजित घुम्ती शिविरमा स्थानीय सरकारबाट संचालित योजनाको सम्झौता सम्पन्न भएको योजनाको परफारक गर्ने उपभोक्ता समितिलाई सहजीकरण गर्ने गरी घुम्ती शिविरको थालनी गरिएको प्रमुख प्रशासकीय अधिकृत राम प्रसाद घिमिरेले बताए ।
ठूलो जनसख्या र जनघनत्व रहेको कसेनीमा संचालन भएको एक दिने घुम्ती शिविरमा सेवा लिने सेवाग्राही मध्य दिर्घरोगी अन्तर्गत उच्च रक्तचाप मधुमेह, श्वावप्रश्वासका समस्या भएका बिरामीहरुको सख्या बढी भएको स्वस्थ्य शाखा प्रमुख केशव जी.सीले बताए ।
© २०२३
सर्वाधिकार सुरक्षित
Design & Developed By:
