लमही, २ माघ।
लुम्बिनी प्रदेश सरकारले माघे संक्रान्ति तथा माघ पर्वको अवसरमा माघ मिलन कार्यक्रम सम्पन्न गरेको छ। यो कार्यक्रम आन्तरिक मामिला तथा कानून मन्त्रालयको आयोजनामा भव्य रूपमा सम्पन्न भएको हो।
थारु, मगर, नेवारलगायत समुदायका सांस्कृतिक झल्को दिने झाँकी र परम्परागत परिकारहरूको प्रस्तुति कार्यक्रममा गरिएको थियो। थारु समुदायका ढिक्री, खरिया, बरिया, फुलौरीजस्ता परम्परागत परिकारहरू पस्केर सांस्कृतिक पहिचानलाई प्रबर्द्धन गरिएको थियो।
मुख्यमन्त्री चेतनारायण आचार्यले माघ मिलन कार्यक्रम उद्घाटन गर्दै मौलिक कला र संस्कृतिको संरक्षणसहित त्यसलाई आयआर्जनसँग जोड्ने योजनाबारे जानकारी दिए। उनले भने, “माघे संक्रान्ति तथा माघ साझा पर्व हो। यसले लुम्बिनी प्रदेशमा भावनात्मक सम्बन्ध बलियो बनाउन र एकता कायम गर्न मद्दत गरेको छ। मौलिक कला र संस्कृतिलाई पर्यटनसँग जोड्नु आवश्यक छ। यी संस्कृतिलाई पर्वमा मात्रै सीमित राख्ने होइन, अन्य समयमा पनि संरक्षण र प्रबर्द्धन गर्न जरुरी छ।”
प्रदेश सरकारले थारु र मगर समुदायको कला तथा संस्कृतिको संरक्षण गर्दै आयआर्जन बढाउन होमस्टे सञ्चालनका लागि सीप हस्तान्तरण गर्ने योजना बनाएको बताइयो। मुख्यमन्त्री आचार्यले थप भने, “हाम्रो कला र संस्कृतिलाई जोगाउँदै समुदायको आर्थिक आम्दानीसँग जोड्न जरुरी छ। यसका लागि होमस्टे सञ्चालनका लागि बजेटको व्यवस्था गरिएको छ। आर्थिक सशक्तिकरण नगरी समृद्धि र विकासको लक्ष्य हासिल गर्न सकिँदैन।”
आन्तरिक तथा बाह्य पर्यटकलाई आकर्षित गर्न प्रदेशको विविधता प्रचारप्रसारमा जोड दिँदै, मौलिक पर्वहरूको सम्मान र प्रबर्द्धन प्रदेश सरकारको प्राथमिकतामा रहेको मुख्यमन्त्रीले उल्लेख गरे।
कार्यक्रममा आन्तरिक मामिला तथा कानून मन्त्री आदेशकुमार अग्रवालको अध्यक्षता र मुख्यमन्त्री आचार्यको प्रमुख आतिथ्यता रहेको थियो। सभामुख तुलाराम घर्तीमगरले माघ पर्वले मौलिक कला र संस्कृतिको संरक्षणमा महत्त्वपूर्ण योगदान पुर्याएको र यसले पहिचानको संरक्षणमा टेवा पु¥याउने बताए।
नेकपा माओवादी केन्द्रका प्रमुख सचेतक इन्द्रजीत थारुले माघ पर्वले समुदायमा भावनात्मक सम्बन्ध बलियो बनाउन भूमिका खेलेको बताउनुभयो। प्रदेश सभा सदस्य निमा गिरीले मौलिक कला र संस्कृतिको सम्बर्द्धन सबैको साझा मुद्दा भएको उल्लेख गरे ।
प्रदेश सभा सदस्य निमा गिरीले मौलिक कला संस्कृतिको सम्बद्र्धन सबैको साझा मुद्धा बनेको बताइन । आन्तरिक मामिला तथा कानून मन्त्रालयका सचिव रेखा कँडेलको स्वागत मन्तब्य बाट सुरु भएको कार्यक्रमको सहजिकरण बरिष्ठ शाखा अधिकृत गंगाधर पाण्डेले गर्नु भएको थियो । प्रदेश सरकारले माघ पर्वलाई सम्मान गर्दै प्रदेशभर आज सार्वजनिक विदा समेत दिएको छ
२८ मंसिर २०८२, आइतबार
