खोज

दाङ, २७ पुस ।

घोराही उपमहानगरपालिका –१५ भरतपुरमा रहेको भरतपुर खानेपानी उपभोक्ता तथा सरसफाइ समितिको २२ औं बार्षिक साधारणसभाका सहभागिले पानीको स्रोतलाई संरक्षण गर्नुपर्ने बताएका छन् । खानेपानी तथा सरसफाइ डिभिजन कार्यालय दाङका प्रमुख तिलक न्यौपानेले पानीको स्रोतलाई संरक्षण गर्नुपर्ने बताएका छन् उनले पानीको मुहान दिनदिनै सुक्दै गएकाले केही समयपछि न त मुहान भेटिन्छन् न त बोरिङ भेटिएलान त्यसैले पानी जोगाउन आबश्यक रहेको बताए । पानीको स्रोत संरक्षण गर्न सबै लाग्नुपर्ने पर्छ उनले भने ।

न्यौपानेले सरकारले खानेपानीमा कर असुल्ने काम बन्द गर्नुपर्ने धाराणा राखेका छन् । उपभोक्तालाई सेवा दिने संस्थालाई कर छुट दिनुको साटो करको दायरा बढाउनु राम्रो कुरा नभएको उनको भनाइ छ । उपभोक्ताले खाएको पानीमा कर लगाउनु सरकारले ब्यापार गरे जस्तो हुने बताए । यो विषयमा सरकारलाई ध्यानाकषर्ण गर्नुपर्ने उनको भनाइ छ । उनले खानेपानीले काम गर्दा टेलीफोन, विद्युत, सडक,ढल र खानेपानी कार्यालयका बिचमा समन्वय गरेर काम गर्न सुझाव दिए । खानेपानीले पाइप बिच्याएको ठाउँमा अन्य कार्यालयले बिकासका नाममा सडक खनेर पानीका पाइप काट्नेगरेका कारण उपभोक्ता मारमा पर्ने गरेको बताए । पानीमा ढल पसेर पानी दुसित हुने गरेको बताए ।

कार्यक्रममा घोराही खानेपानी उपभोक्ता समितिका वरिष्ठ उपाध्यक्ष भरतमणि पाण्डेले भरतपुर खानेपानीले राम्रो काम गरेको र अन्य खानेपानी संस्थासंग समन्वय गर्नुपर्ने बताए । उपभोक्ता नारायण तर्तालले साधारणसभामा अघिल्लो बर्षको तथ्यगत विवरण र आगामी योजनाको खोजी गर्ने काम हुने गरेको बताए । धारामा पानी निरन्तर आउने गरेको र यसलाई निरन्तरता दिन आग्रह गरे ।

संस्थाका सचिव एकेन्द्रबहादुर रानाले सचिवको प्रतिबेदन पेस गरेका थिए । घोराही उपमहानगरपालिको अनुदान सहयोगबाट कटुवा खोला रानी जरुवानेर मुहान संरक्षण कार्य सम्पन्न भएको जानकारी दिए । त्यसैगरी खानेपानी तथा सरसफाइ डिभिजन कार्यालय दाङको सहयोगमा घोराही १७ कटुवाखोलाको किरीकुलानेर नयाँ डिपबोरिङ निमार्ण कार्य सम्पन्न जानकारी दिए । उनले आगामी वर्षको कार्ययोजनामा खानेपानीका मोटर तथा प्यानलहरुको सुरक्षा तथा संचालनका लागि अटोमेटिक सेन्सर जडान गर्ने,कलेक्सन वेल तथा पम्म हाउससम्म मोटर पुराउन सिडि निमार्ण गर्ने र पानीको गुणस्तर परिक्षण गर्नका लागि प्रयोगशाला निमार्ण गर्ने जानकारी दिए ।

संस्थाका कोषाध्यक्ष डोमाकान्त अधिकारीले आर्थिक बर्ष २०८०र०८१ को आय ब्यय प्रस्तुत गरेका थिए । १करोड ६१ लाख २३ हजार १ सय ७७ रुपैया वरावरको आयव्यय प्रस्तुत गरेका थिए । संस्थाले आर्थिक बर्ष २०८० ÷०८१ मा ६४ लाख ९० हजार १९ रुपैया ३५ पैसा बचत गर्न सफल भएको जानकारी दिए ।

संस्थाका अध्यक्ष शंकर गौतमले संस्थालाई अगाडि बढाउन प्रत्यक्ष तथा अप्रतक्ष्य रुपमा सहयोग पुराउनेप्रति धन्यवाद दिदै हाल दैनिक ६ घण्टा पानी दिदै आएकोमा नयाँ डिप बोरिङ संचालन गरि गर्मीमा समेत दैनिक ६ घण्टा पानी बितरण गर्ने बताए । न्युनतम महसुल १५० लिदै आएकोमा १० रुपैया घटाइ १४० रुपैया लिने गरेको जानकारी दिए । संस्थाले १४ लाख रुपैया आए कर तिरेको जानकारी गराउदै उनले यो धेरै भएको बताए । खानेपानी संस्थाहरु नाफा रहित सेवामुलक संस्था भएकाले राज्यले संस्थाहरुबाट आएकर छुटको व्यवस्था मिलाइदिए उपभोक्ताहरुलाई सहज हुन आग्रह गरे । सबै आ आफ्नो तर्फबाट खवरदारी गर्न आग्रह गरे । साधारण सभामा सचिव र कोषाध्यक्षको प्रतिबेदन पारित गरिएको छ ।

कार्यक्रममा तीनजना पत्रकारलाई सम्मान गरिएको छ । दाङमा बसेर खानेपानीको क्षेत्रमा कलम चलाएकोमा बुटबल टुडेकर्मी पत्रकार रञ्जिता अधिकारी, हेमराज शर्मा र गोबिन्द खड्कालाई नगद सहित सम्मान गरिएको हो ।