काठमाडौं।
बैंकिङ प्रणालीमा अत्यधिक तरलता पुगेको कारण नेपाल राष्ट्र बैंकले तरलता प्रशोधन गर्ने निर्णय गरेको छ। बुधबार, ८० अर्ब रुपैयाँको तरलता निक्षेप संकलन उपकरण मार्फत खिच्ने व्यवस्था गरिएको छ।
राष्ट्र बैंकले १४ दिनका लागि निक्षेप संकलन उपकरण बोलकबोल मार्फत तरलता खिच्ने निर्णय गरेको हो। बैंकिङ प्रणालीमा अत्यधिक तरलता हुँदा, चालु आर्थिक वर्षको सुरुवातदेखि नै राष्ट्र बैंकले निरन्तर तरलता खिच्दै आएको छ।
निक्षेप संकलन दरमा स्थायी निक्षेप सुविधा प्रदान गर्ने केन्द्रीय बैंकले अब निक्षेप संकलन उपकरण बोलकबोलमार्फत पनि तरलता खिचिरहेको छ। बुधबार हुने बोलकबोलका लागि निक्षेप संकलन उपकरणको सावाँ ब्याज ९ माघमा भुक्तानी हुनेछ।
निक्षेप संकलन उपकरणको ब्याज दर बोलकबोलबाट तय गरिनेछ।
२५ पुष २०८१, बिहीबार
