खोज

गैंडहवा, २४ पुस ।

रुपन्देहीको सियारी गाउँपालिका वडा नं. ३ ले बढ्दो जाडोेबाट बचाउन वडावासीलाई ब्लाङ्केट वितरण गरेको छ । मंगलबार जेष्ठ नागरिक तथा अपाङ्ग सहयोग कार्यक्रम अन्तर्गत वडावासीहरुलाई ब्लाङ्केट वितरण गरिएको हो । उनीहरुलाई सियारी गाउँपालिका अध्यक्ष थानेश्वर घिमिरे, उपाध्यक्ष तारा थारु, प्रमुख प्रशासकीय अधिकृत ऋषिराम पन्थी, वडा अध्यक्ष रामचन्द्र कुर्मी लगायतको उपस्थितिमा ब्लाङ्केट वितरण गरिएको हो ।

गाउँपालिका अध्यक्ष थानेश्वर घिमिरेले बाक्लो हुस्सु र शितलहरले सम्पूर्ण पालिकावासीको जनजीवन प्रभावित भएको भन्दै जाडो कटाउन ब्लाङ्केट वितरण गरिएको बताए । उनले यो प्रतिकुल मौसमबाट बच्न आवश्यक सर्तकता अपनाउन अपिल समेत गरे ।

गाउँपालिका उपाध्यक्ष तारा थारुले नगरवासीलाई बढ्दो जाडोबाट बचाउनु पालिकाको दायित्व भएको भन्दै सोही अनुरुप ब्लाङ्केट वितरणको कार्यक्रमलाई प्राथमिकता दिएको बताईन् । उनले मुख्यतः यस मौसमबाट वृद्धवृद्धाहरु बढी प्रभावित हुने भएकाले उनीहरुको हेरचाहमा परिवारका सदस्यहरुले विशेष ख्याल गर्नुपर्ने बताए । उनले सयारी गाउँपालिका सम्पूर्ण पालिकावासीको साथ रहेको प्रत्याभूति गराउने गरि काम गरिरहेको समेत बताईन् ।

उनले पालिकाले विगतमा पनि यस्ता सामाजिक काम गर्दै आएको बताउँदै आगामी दिनमा पनि यस्ता कामलाई निरन्तरता दिने प्रतिवद्धता जनाईन् । यसले समाजमा समाजमा सकारात्मक सन्देश प्रवाह हुने उनको विश्वास छ ।