© २०२३
२४ पुष २०८१, बुधबार
२४ पुष २०८१, बुधबार
बुटवल, २२ पुस ।
बुटवलमा जारी मदन भण्डारी गोल्डकप इन्डो–नेपाल पुरुष भलिबल च्याम्पियनसिपमा सेमिफाइनल समिकरण पुरा भएको छ । सोमबार भएको लिग चरणको अन्तिम खेलसंगै चार टिम टुगिएको हो । त्रिभुवन आर्मी क्लब र नेपाल पुलिस क्लब समूह बिजेता बन्दै तथा गुजरात स्टेट भलिबल क्लब र मणिमुकुन्द भलिबल क्लब उपविजेता बन्दै सेमीफाइनलमा स्थान बनाए ।
मंगलबार पहिलो सेमीफाइनल खेलमा नेपाल पुलिस क्लब र गुजरात स्टेट भलिबल क्लबबीच तथा दोस्रो सेमिफाइनल त्रिभुवन आर्मी क्लब र मणिमुकुन्द भलिबल क्लबबीच हुनेछ ।
सोमबार भएको पहिलो खेलमा नेपाल पुलिस क्लबले रुकुम पश्चिम भलिबल प्रशिक्षण केन्द्रलाई ३–० को सोझो सेटमा पराजित गर्यो । लगातार २५–१८, २५–१९, २८ २६ सेटका साथ जित निकाल्यो ।
यसैगरी दोस्रो खेलमा त्रिभुवन आर्मी क्लबले सशस्त्र प्रहरी बललाई ३–१ को सेटमा पराजित गर्यो । दुई सेट २५–१७ र २५–२१ अंकका साथ आर्मीले लगातार जित्दै अग्रता लिए । तेस्रो सेट भने सशस्त्रले २५–१९ अंकका साथ खेलमा फर्कियो। चौँथो सेटमा आर्मीले २५–१५ अंकका साथ जित्दै खेल आफ्नो पक्षमा पार्न सफल भयो ।
© २०२३
सर्वाधिकार सुरक्षित
Design & Developed By:
