खोज

अंग्रेजी नयाँ वर्ष २०२५ आजदेखि सुरु भएको छ । २०२४ को विदाईसंगै अंग्रेजी नयाँ वर्षको आगमनले पुरानो बर्षमा भएका दुःखद घटनाको पुनराबृत्ति नहोस भन्ने अपेक्षा गरिएको छ । नयाँ बर्षकै अवसरमा खुसी साटासाट गर्ने र एक अर्कोलाई शुभकामना दिनेक्रम सुरु भएको छ । नेपालमा पनि पछिल्लोसमय अंग्रेजी नयाँ बर्षलाई हर्ष र उत्साहको रूपमा मनाउने प्रचलन बढ्दै गएको छ । यद्यपि नेपालमा बिक्रमसम्बत नै लोकप्रिय सम्बत हो । तर, विश्वभर अंग्रेजी पात्रोकै प्रचलन बढेकोले नेपालमा पनि अंग्रेजी नयाँ बर्ष मनाउनु पर्ने हाम्रो दायित्व र अभिभारा दुवै छ । संगै वितेको वर्षको समीक्षा पनि भैरहेको छ । निश्चितरूपमा नयाँ बर्षले खुसीमात्र होइन, चुनौतीपनि लिएर आएको छ । पुरानो बर्ष २०२४ नेपालका लागि त्यसैपनि दुःखद बर्षको रूपमा इतिहासमा उल्लेखित भएको छ । विगतमा देखिएको अनिष्ट र अशुभ घटना यो नयाँ बर्षमा नदोहोरियोस् भन्ने सवै आम नेपाली जनताको चाहना छ । नेपालमा नयाँ बर्ष मनाईरहँदा विगतको बर्षमा भएका केही दुःखद घटनाले नेपालीको मनमुटु छियाछिया पारेको छ । गत बर्ष नारायणगड मुग्लिङ सडक खण्डको सिमलतालमा भएको प्राकृतिक प्रकोपमा परि दुईवटा बसका ६५ जना यात्रु एकैपटक त्रिशुलीमा बेपत्ता भए । त्यही बर्ष सौर्य एयरलाईन्स विमान दुर्घटनामा परि १८ जनाले ज्यान गुमाए । प्राकृतिक प्रकोपकै कारण गत बर्ष २ सय २४ जनाको मृत्यु भएको तथ्याँक सार्वजनिक भैसकेको छ । गत बर्ष रूस र युक्रेन तथा इजरायल र हमासबीचको युद्धका कारण कैयौं नेपालीले ज्यान गुमाएका छन् । हमासको कब्जामा रहेका बिपिन जोशी अझै मुक्त हुन सकेका छैनन् । नयाँ बर्षमा नेपाललाई प्रत्यक्ष अप्रत्यक्षरूपमा प्रभावित गरेको यो युद्ध अन्त्य होस् । नयाँ बर्ष सन. २०२५ समग्र नेपाल र नेपालीहरूका लागि सुखद रहोस् । नेपाली युवा विपिन जोशीलाई मुक्त गर्ने बिषयमा नेपाल सरकारको ध्यानाकर्षण जरुरी छ । अंग्रेजी नयाँ बर्षमा सरकारलाई त्यो सफलता प्राप्त होस् ।
त्यसो त वितेको बर्ष सन. २०२४ समग्रमा अस्थीरता, आर्थिक उतारचढाव र प्राकृतिक प्रकोपले बिक्षिप्त वनाएको बर्ष भयो । नयाँ बर्षमा त्यो पुनराबृत्त नहोस् । आशा गरौं नयाँ बर्षले नयाँ संभावना, नयाँ जीवन ल्याउन सकोस् । हामी सवैका लागि नयाँ वर्षले निश्चितरूपमा नयाँ उमंग लिएर आएको छ । नेपाली जनतामा आशा बढाएको छ । नयाँ बर्षलाई स्थीरता र समृद्धिको बर्षको रूपमा इतिहासमा उल्लेखित गराउन सक्नुपर्दछ । तसर्थ नयाँ बर्ष सन. २०२५ समग्र नेपाल र नेपालीहरूका लागि सुखद रहनेछ भन्ने विश्वास आम नेपालीको छ । नयाँ बर्षमा मुलुकमा शान्ति, स्थीरता, विकास र सम्मृद्धि हासिल हुनेछ । त्यसमा नयाँ बर्ष सन. २०२५ ले नयाँ प्रेरणा, आत्मविश्वास र दृढता प्रकट गर्नेछ । फेरीपनि नयाँ बर्ष नेपालीको बर्ष हुन सकोस् । शान्ति र सम्मृद्धिको बर्ष हुन सकोस् । पुरानो बर्षको विदाई गर्दैगर्दा नयाँ बर्ष प्राकृतिक प्रकोप मुक्त बर्ष बन्न सकोस् । प्राकृतिक प्रकोपबाट प्रभावित भएकाहरूलाई सरकारले उचित राहत र पुनर्बासको व्यवस्था गरोस् । नयाँ बर्ष राजनैतिकरूपमा पनि स्थायित्वको बर्ष हुनु जरुरी छ । किनभने राजनीतिक अस्थीरताले मुलुकमा शान्ति कायम हुन सक्दैन् । राजनीतिक अस्थीरताले देश विकासमा सवैभन्दा बढी प्रभावित गर्दछ । त्यसकारण पनि संघीयसंगै प्रदेश सरकार आफ्नो रफ्तारमा अघि बढ्ने वातावरण तयार होस् । केपी ओली नेतृत्वको सरकारबाट धेरै राम्रो कामको अपेक्षा गरिरहँदा सरकारलाई कमजोर बनाउने प्रयास कहिँकतैबाट नहोस् । यो सरकार आफ्नो आयुसम्म टिक्यो भने नयाँ बर्षमा केही भएपनि देशमा सुशासनको पक्षमा राम्रो कामको सुरुवात हुनेछ भन्ने आम नेपाली जनताको विश्वास छ ।