खोज

बुटवल, १५ पुस । दिउसोबाट नै पर्खाईमा रहेका दर्शकले धित मर्ने गरि सोमबार शान्तिरानी परियार र खेम सेन्चुरीसंग बुटवलको मेलामा नाचे । सोमबार एक्कासी बढेको चिसो र सिरेटोमा दर्शकको उल्लेख्य उपस्थिती थियो । स्टेजमा आकर्षक आधुनिक ड्रेसमा सजिएर आएकी शान्तारानीको नाम उद्घोषकले लिदा दर्शकको हुटिङ बढ्यो । ‘रातो फुल केशैमा मनै भुल्यो त्यसैमा…फुलमाया’ बाट उनले गित गाउन शुरु गरिन । पछिल्लोसमय एकाएक ढलेढले गितसंगै चर्चामा आएकी शान्ताले सोमबार बुटवलमा जारी प्रदर्शनीमा आफ्नो दमदार प्रस्तुति दिईन ।

‘मेरो माया फ्रिमा पाईन्छ…तर चोखो मन भएको चाहिन्छ…’ भन्दै उनले अर्को गित सुनाईन । तराईको सितलहरमा पनि दर्शक टसका मस भएनन । लगत्तै तेस्रो गित (ढलेढले ) गाईन । उनको प्रस्तुतिमा दर्शक नाचे । करिब १३ मिनेट लामो गित गाईरहदा सितलहरको प्रवाह नगरि दर्शकले साथ दिए । गितको बिचबिचमा उनले सायरी पनि सुनाईन । पुसको मध्यमा चिसोको आभास नभएको बेला एक्कासी सोमबारभने चिसिदो मौसमलाई परियारले तताईन । सोमबार तमु ल्योसारको सार्वजनिक बिदाको दिन हजारौ दर्शकको भिडमा उनले चौथो प्रस्तुती पेश गरिन पंचेबाजा गित ‘शिरफुल शिरको मेरो माया …’ । करीब १५ मिनेटसम्म पंचेबाजामा गित चल्दा गाउको बिहेको रमाईलो वातावरणलाई दर्शकले अनुभव गरे । ढलेढले चर्चित भएसंगै देश दौडाहामा हिडेको उनले बताईन । अन्तमा (हत्तेरीका साईली रे माई …म त ढलेढले) गाउदै स्टेजबाट बिदा भईन ।

लगत्तै स्थानिय ब्याण्ड अफसर अलि एण्ड मिराजले माहौल तताए । ‘लफ्फन छप्पन जान्दिन…लै बरिबरि लैलै…’ बाट आफ्नो प्रस्तुति पस्के । फेरि ‘कोहि त छ जसलाई म आफ्नो भन्न सक्छु…मेरो एउटा साथी छ…’, ‘देख्दा राम्रो माछापुच्छ्रे,……बैगुनलाई गुनले मार्ने, खोजि ल्याउदै काछ …’, ‘पारि त्यो डाडामा घाम लाग्यो …बैगुनी हे माया नमारेनी …’ हुदै अन्तमा ‘रातो र चन्द्र सुर्य… ’ गाउदै स्टेजबाट बिदा भए ।

दर्शकको मन भने अझै भरिएन । स्टेजमा आए गायक तथा सर्जक खेम सेन्चुरी । उनले माहौल तताए । फुसफुसे पानी परिरहदा खेमको प्रस्तुतिमा दर्शक संगसंगै नाचे । ‘सुन काटे जन्तर, चादी काटे रैया…, तिमिलाई पछ्यौरी किन्दिला नैयानैया…’ संगै गाउन शुरु गरे । उनले अहिलेको चर्चित गित ‘रातिराति भेटन आउने तिम्रै छोरी…म तन्नेरीलाई गाल..’मा दर्शक नचाए । तेस्रो गित ‘अरुलाई धानको पात…मायालाई पानको पात…’ गाउदा दर्शक पनि नाचे । चौथो प्रस्तुतिमा ‘नाच्ने हो गाउने हो……कमाउने हो…रमाउने नी हो…’ गित गाउदै लोभलालच छोडेर सरल जिवनमा रमाउनुपर्ने सन्देश दिए ।

यसैबिच शान्तिरानीसंग उनले पहिलो पटक स्टेज शेयर गर्दै ढलेढले गित गाए । गितको रचना सेन्चुरीले नै गरेका हुन । समाजमा देखिने विभेद र मायाप्रेमका गित रचना गरेको हुदा दर्शकले धेरै मन पराएको उनको तर्क छ । यसैबिच छैटौ प्रस्तुतिमा पंचेबाजामा दर्शक नचाए ।
‘हे मलाई मात्र माया…छोडी जाने मन…’संगै उनले पुरै एक घण्टा गाएर स्टेज तताए ।