खोज

बुटवल उद्योग वाणिज्य संघ रुपन्देहीको आयोजना तथा बुटवल उपमहानगरपालिका र नेपाल उद्योग वाणिज्य महासंघको संरक्षकत्वमा जारी औद्योगिक व्यापार मेला बुटवल २०८१ को मुख्य आर्कषणका रुपमा सास्कृतिक कार्यक्रम हो । दर्शक भुल्ने र रमाउने सास्कृतिक समितिको कस्तो छ तयारी भन्ने विषयमा सास्कृतिक समितिका संयोजक निर्मित कसजूसंग बुटवलटुडेका सहसम्पादक स्वस्तिक श्रेष्ठले गरेको कुराकानीको अंश ।

मेलाको सास्कृतिक कार्यक्रममा दर्शकले के पाउछ ?

यस अघिका मेलामा भन्दा यसपटक पृथक कार्यक्रमहरुलाई समेटेका छौ । मेलामा रहेका सुचनामुलक, प्रचारमुलक दर्शकको माग र चाहनालाई मध्येनजर गरेर स्थानिय कलाकार, ब्याडहरुलाई प्रमोट गर्ने, विद्यालयस्तरका बालबालिकाहरुको प्रतिभा प्रस्फुटनका लागि लोकदोहोरी, नृत्य, गायन, हास्य विधामा प्रतियोगिताहरु आयोजना गरेका छौ । मेला अवधिभर लोक दोहोरी प्रतियोगिता, भ्वाईस अफ बुटवल, विद्यालय स्तरीय लोक दोहोरी प्रतियोगिता, माध्यमिक विद्यालय स्तरीय लोकनृत्य प्रतियोगिता, भजन चुट्का प्रतियोगिता, हास्यव्यङ्ग्य प्रतियोगिता, व्युटी फेयर, टिकटक लगायतका धेरै प्रतियोगिताका साथमा कलाकारहरुको रोमान्चक प्रस्तुती रहेको छ । ‘हास्छ बुटवल’ लाफटर च्यालेन्ज प्रतियोगिता यसपटक नया र फरक स्वाद हो ।

राष्ट्रिय र स्थानिय कलाकारलाई स्टेजमा ब्यवस्थापन कसरी गर्नुभएको छ ?

हामीले कलाकारहरुलाई बढीभन्दा बढी स्टेजमा प्रस्तुति दिने ब्यवस्था गरेका छौ । समितिमा रहेर विभिन्न उपसमितिहरु समेत गठन गरि जिम्मेवारी बाडफाड भएको छ । मुख्य आर्कषकको रुपमा दिपक बज्राचार्यको ब्याड, प्रकाश दुतराज, शान्तिश्री परियार, पशुपति शर्मा, शान्तारानी परियार, एलिना चौहान, समिक्षा अधिकारी, अस्मिता अधिकारी, महेश काफले, चन्द्र शर्मा, गिता थापा, श्याम राना, बद्री पंगेनीका साथमा सात वटा चर्चित ब्याडहरु प्रस्तुती फरकफरक दिनमा गरेका छौ । हरेक दिन मेलामा आउने र रमाउने गरि दर्शकलाई कलाकारहरुको प्रस्तुति राखेका छौ ।

चाडपर्व लक्षित विशेष कार्यक्रम पनि छन की ?
हामीले मेला अवधिमा विभिन्न सास्कृतिक चाडपर्वलाई जोडेर कार्यक्रमहरु राखेको छौ । अझ सबैभन्दा महत्वपूर्ण भनेको गुरुङ जातीहरुको ल्होसार पर्वलाई मध्येनजर गरि सास्कृतिक प्रस्तुति राखेको छौ । साझ ल्होसारको दिन चाईनिज ल्याम्प उडाएर विश्व शान्तिको कामना गरि विशेष दीप प्रज्वलन गरि मनाउने तयारी छ । मेलामा नै बढीभन्दा बढी दर्शक भित्राएर नया वर्ष स्वागत गरि मनाउने गरि भब्य कार्यक्रम हुने छ ।

मेला उदयमान प्रतिभाहरुलाई प्लेटफर्मका रुपमा चिनिन्छ, यसपटक के हुदैछ ?

पक्कै पनि बुटवलमा हुने मेला नया र प्रतिभावान युवाहरुलाई प्लेटफर्म दिने रुपमा चिनिन्छ । यसवर्ष विद्यालयस्तरका बालबालिकाहरुको प्रतिभा प्रस्फुटनका लागि लोकदोहोरी, नृत्य, गायन, मावि स्तरीय लोकनृत्य प्रतियोगिता हुदैछ । मेलामा छाप नै बनेको भ्वाईस अफ बुटवल, लोक दोहोरी प्रतियोगिता त हुने नै भयो । यसबाहेक यसपटक नया र नौलो ‘हास्छ बुटवल’ लाफटर च्यालेन्ज प्रतियोगिता गर्दैछौ । साथमा नेपाली संस्कृति जर्गेना हुने गरि भजन चुट्का प्रतियोगिता समेत भएका छन ।