खोज

बुटवल, ७ पुस । घरायसी काममा दिन बिताउने सुनवलका महिलाहरुलाई आयआर्जनमा जोड्ने गरि रोटरी क्लब अफ बुटवल डाउनटाउनले कार्यक्रम शुरु गरेको छ । सुनवलका सामुदायिक वनमा सालको रुखबाट वर्षेनी खेर जाने पातलाई उपयोग हुने गरि आयआर्जनमुलक पेशामा महिलाहरुलाई आर्कषित गर्ने गरि अभियान थालेको हो ।

टपरी बनाउने उद्योगलाई आवश्यक पर्ने सालको पात सामुहिक संकलन गरि खपतको ब्यवस्थापनमा सघाउने गरि कार्यक्रम ल्याउन लागेको क्लबका अध्यक्ष शिव ज्ञवालीले बताए । महिला उद्यमीका लागि श्रोतको खोजी अन्तरगत रहेर उद्योगको आवश्यकता पुरा हुने र यता खेर गएका पातलाई बजारीकरणमा सहयोग हुनेमा आफुहरु आशाबादी भएको उनले बताए । ‘यो पहिलो चरणमा समन्वयका काम हो ।’— उनले भने । बिस्तारै साना उद्योगबाट गाउघरमा नै मेशिन राख्ने गरि रोटरी फण्डमा आग्रह गर्ने उनले बताए ।

महिलालाई आत्मनिर्भर बनाउने गरि बुटवलका टपरी फैक्ट्रीसंग सहकार्य गरि आर्थिक सबल बनाउने गरि कार्यक्रम अघि सारेको हो ।
कार्यक्रममा क्लबका पूर्व एजी रबिलाल पोखरेलले विगतबाट नै महिला उद्यमका कार्यक्रममा क्लबको अगुवाई रहेको बताए । उद्योगबाट प्रति केजीको २० रुपैया उपलब्ध हुने गरि समन्वय गरिएको उनले बताए । कार्यक्रममा वडा नं. ७ का वडाअध्यक्ष नारायण प्रसाद आचार्य, महिला उद्यम केन्द्र सोनी रानाले महिलाहरुलाई आर्थिक रुपमा सबल बनाउन सकेमात्र सक्षम बन्ने भन्दै यस्ता कार्यक्रमहरुलाई जोड दिनुपर्ने बताए ।

यसैबिच रोटरी क्लब अफ बुटवल डाउनटाउनले लुम्बिनी माध्यामिक विद्यालय सुनवललाई गिजर हस्तान्तरण गरेको छ । शनिबार एक कार्यक्रमका बिच सुनवल नगरपालिका, वडा नं १ का वडाअध्यक्ष मन बहादुर थापा, क्लबका अध्यक्ष शिव ज्ञवाली, पूर्व एजी रबिलाल पोखरेल, चुनिया गुरुङ, जोईन्ट सेक्रेटरी प्रेमा केसी, सर्जेट आर्म विद्या थापाले विद्यालय ब्यवस्थापन समितिका अध्यक्ष गंगा बहादुर गुरुङ, विद्यालयका प्रअ हुमनाथ सुवेदीलाई गिजर मेशिन हस्तान्तरण गरेका हुन ।

विद्यालयमा आवासिय रुपमा अध्ययरत अपाङता भएका २० जना विद्यार्थीहरुलाई जाडोमा तातोपानी उपलब्ध हुने गरि गिजर उपलब्ध गराईएको क्लबका अध्यक्ष शिव ज्ञवालीले बताए । यसैगरि विद्यालय परिवारलाई रोटरी फोर वे टेष्ट समेत हस्तान्तरण गरिएको छ ।