खोज

बुटवल, ५ पुस ।

लायन्स क्लब अफ बुटवल सयपत्रीले बुधबार बुटवल ११ को देविनगरस्थित नेपाल अपांग आश्रममा आश्रीत व्यक्तिहरुका लागि न्यानो पोशाक तथा दिवा खाजा वितरण गरेको छ ।

हामी सेवा गर्छाै भन्ने लायन्सको अन्तर्राष्ट्रिय नारालाई आत्मसाथ गर्दै क्लवले आफ्नो वार्षिक कार्यक्रम अनुसार उक्त कार्य गरेको हो ।

क्लबका अध्यक्ष कमला बस्नेत कुंवर, डिष्ट्रिक गभर्नर पुरुषोत्तम भक्त प्रधानाङ्ग, फष्ट डिष्ट्रिक गभर्नर बालाराम भट्टराईलगायतको उपस्थितिमा आश्रममा आश्रित ४० जनालाई न्यानो पोशाक तथा दिवा खाजा वितरण गरिएको थियो ।

सो अवसरमा बोल्दै डिष्ट्रिक गभर्नर पुरुषोत्तम भक्त प्रधानाङ्गले यस किसिमको कार्यक्रम लायन्सको अन्तर्राष्ट्रिय ग्लोबल कजको हंगर रिलिफ अन्तर्गत रहेको भन्दै यस्ता किसिमको कार्यक्रमले लायन्सको मुल मर्म र उद्देश्य प्राप्तीमा सहयोग पुग्ने बताए । साथै लायन्स क्लब अफ सयपत्रीले विभिन्न समयमा यस्तै रचनात्मक कार्यक्रमहरु गर्दै आइरहेको बताउदै यस श्रृंखलालाई निरन्तरता दिन उनले आग्रह समेत गरे ।

कार्यक्रममा फष्ट डिष्ट्रिक गभर्नर बालाराम भट्टराई, डिष्ट्रिक को–चिफ तथा क्लबका पूर्व अध्यक्ष सुनिता बजिमय, डिष्ट्रिक चिफ तथा पूर्व अध्यक्ष सवनाम श्रेष्ठ, क्लबका सल्लाहकार ज्ञानेन्द्र सिमानगैंडा, एरिया चिफ दिपक श्रेष्ठ, रिजन चियरपर्सन बिष्णु उपाध्याय, क्लबका प्रथम उपाध्यक्ष एली क्षेत्री लगायतले बोल्दै बेसहाराको सहाराको लागि सबैजनाले चासो दिनुपर्ने बताए ।

आश्रमका संचालक डोल बहादुर रामदामले यस किसिमको कार्यक्रमले आश्रमलाई केही रुपमा भएपनि सहयोग पुगेको भन्दै आभार व्यक्त गरे । कार्यक्रम संयोजक तथा तृतीय उपाध्यक्ष मिनु श्रेष्ठ, क्लबकी सचिव शान्तिलक्ष्मी अर्याललगायतले पनि यसखालको सहयोगले आश्रीतहरुलाई ठूलो राहत मिल्ने बताएका थिए ।