खोज

चन्द्रौटा (कपिलवस्तु) ।

लुम्बिनी प्रदेश सभा सदस्य एवम् वन तथा वातावरण पूर्वमन्त्री अर्जुन कुमार केसीले पछिल्लो समय वैदेशिक रोजगारीको प्रलोभनमा परी मानव बेचबिखन बढेको बताएका छन् । विगतमा गाउँघरका खेतबारीमा रमाएर घरपरिवारसँग घुलमेलको अवस्था अहिले नरहेको बताउँदै मानव बेचबिखनका घटना मौलाएकोले समुदायस्तरमा समेत बिकराल देखिएको उनले बताए ।

शान्ती पुनस्र्थापना गृह कपिलवस्तुको आर्थिक वर्ष २०८०÷०८१ को वार्षिक सामाजिक लेखा परिक्षण कार्यक्रमलाई सम्बोधन गर्दै उनले यस्तो बताएका हुन् । रोजगारी लगयातको प्रलोभनसँगै सामाजिक सञ्जाल जस्ता माध्यमबाट मानव तस्करको स्वरुपसमेत फेरिएको केसीले बताए ।

मानव बेचविखन नियन्त्रण गर्न सबैले हातेमालो गर्नुपर्ने उनको भनाइ छ । पूर्वमन्त्री केसीले बढ्दो वैदेशिक रोजगारीसँगै मानव तस्करका घटना समेत बिकराल भएको बताए । पिआरसीले गरेको कार्य जस्तै अभिभावकले आआफ्नो सन्तानलाई सहि बाटोमा डो¥याउन सके समाज सुधिर्ने उनले बताए । कानुनको पुर्ण रुपमा पालन भए अपराधीक क्रियकलाप निर्मुल हुने पूर्वमन्त्री केसीको भनाइ छ ।

यसैबीच शान्ती पुनस्र्थापना गृहको केन्द्रिय अध्यक्ष शान्ता सापकोटाले नेपाली चेलीबेटीहरू विदेशमा राम्रो अवसरको प्रलोभनमा परी बेचीने गरेको बताईन । चेलीबेटी बेचबिखान कार्य मौलाउन दुःखद रहेका बताउँदै पिआरसी प्रयासले मात्रै नहुुने सबैको सहयोग आवश्यक रहेको उनले जिकिर गरिन् ।

कपिलवस्तु जिल्ला समन्वय समितिका अध्यक्ष बाबुराम आचार्यले कपिलवस्तुका सबै स्थानीय तहहरूले चेलीबेटी बेचबिखन विरुद्ध अभियान चलाउनुपर्ने धारणा व्यक्त गरे । यस्तै शिवराज नगरपालिकाकी उपमेयर शिवकुमारी थारुले चेलीबेटी बेचबिखनविरुद्धको अभियानलाई सशक्तरुपमा लैजानुपर्ने बताइन् । त्यस्तै व्यापार संघ कपिलवस्तुका अध्यक्ष महादेव पोखरेलले युवाहरु नेपालमै उद्यमशील गरेर नेपालमै रोजगार बन्न सकिन्छ यसका लागि सरकार गम्भीर बन्नुपर्नेमा उनले जोडदिए ।

कृष्णनगर इलाका प्रहरी कार्यालयका प्रमुख सुरज क्षेत्रीले सिमा नाकामा हुने अपराधिक गतिविधिलाई निर्मूल पार्दै गइरहेको बताए । समाजिक परीक्षण कार्यक्रममा शान्ति पुर्नस्थापना गृह कृष्णनगरका कार्यक्रम सुपरभाइजर डिल्लीराज तिमिल्सिनाले आर्थिक वर्ष २०८०।०८१ मा शान्ति पुनर्स्थापना गृह शाखा कार्यालय कपिलवस्तुले ३ सय ४६ जनालाई उद्धार गरेको बताए । गैरसरकारी संस्था महासङ्घको प्रदेश उपाध्यक्ष सुशिला बेलबासले संघसंस्थाले समाजिक क्रियाकलाप गर्दै चेलीबेटी बेचबिखन विरुद्ध सशक्त अभियान चलाएको छ यस अभियानमा सबैले हातेमालो गर्न आवश्यक रहेको दावी गरिन् ।