© २०२३
२८ मंसिर २०८२, आइतबार
२८ मंसिर २०८२, आइतबार
बुटवल, १६ मंसिर ।
बुटवल उपमहानरपालिकाले बुटवलका ३ स्थानमा घुम्ती शौचलय राख्ने भएको छ । बुटवलको ट्राफिक चौक, राम मन्दिरलाईन र राजमार्ग चौराहमा ती शौचालय राखिने भएको हो ।
आईतबार एक कार्यक्रमको आयोजना गरी बुटवल उपमहानरपालिकाले सञ्चालनको लागि जिम्मा पाएको बुटवल सेनेटरी प्रालिलाई सम्झौता तथा शौचालयको चाँपी हस्तानान्तरण गरेको छ । सम्झौता आदान प्रदान तथा चाँपी हस्तानान्तरण कार्यक्रममा बोल्दै बुटवल उपमहानरपालिका प्रमुख खेलराज पाण्डेयले पैदल यात्री, यातायताको साधान प्रयोग गर्ने यात्रीहरुको लागि घुम्ती शौचालय प्रभावकारी हुने बताए ।
उनले कुनै मेला महोत्सव वा सभा समारोहमा समेत लगेर प्रयोग गर्न मिल्ने गरी पहिलो चरणमा ३ वटा घुम्ती शौचलय स्थापना गरिएको र आगामी दिनमा अझ बढि विस्तार गरिने जानकारी दिए ।
महिला, पुरुष र अपाङ्गता भएका व्याक्तिहरुको लागि समेत छुट्टा छुट्टै शौचालय व्यवस्था गरिएको यो घुम्ती शौालयको लागि एउटाको करिव ४० लाख रहेको छ ।
व्यवस्थापन तथा सञ्चालनको लागि जिम्मा पाएको बुटवल सेनेटरी प्रालिका सञ्चालक यम बहादुर थापाले सम्झौतामा उल्लेख गरिएको अनुसार, कार्यविधीको पूर्ण पालना गरी घुम्ती शौचालय सञ्चालन गरिने प्रतिवद्धता समेत जनाए ।
© २०२३
सर्वाधिकार सुरक्षित
Design & Developed By:
