खोज

बुटवल, ११ मंसिर। बुटवलमा हुने औधोगिक व्यापार मेला बुटवल –२०८१ मा सास्कृतिक उपसमिति बढिभन्दा दर्शक तान्ने गरि तयारी थालेको छ । बुटवल उपमहानगरपालिका, नेपाल उद्योग वाणिज्य महासंघको संरक्षकत्वमा बुटवल उद्योग वाणिज्य संघ रुपन्देहीको आयोजनामा पौष ३ देखि १८ गतेसम्म, बुटवल मण्डप आयोजना हुने मेलाको मुख्य आकर्षकको रुपमा मानिने सास्कृतिक कार्यक्रमलाई उत्कृष्ट र दर्शकको चाहाना अनुसारको मोडालिटिमा लग्ने सास्कृतिक उपसमितिका संयोजक निर्मित कसजुले बताए । मंगलबार मेला सचिवालयमा बसेको बैठकबाट प्रतियोगितात्मक र कलाकारको प्रस्तुति गरि मुख्य दुई विधालाई विभिन्न संयोजकमार्फत जिम्मेवारी दिदै रचनात्मक बनाउने गरि लागेको उनले बताए ।

दिउँसो १२–३ बजेसम्म भजन/चुट्का, विद्यालयस्तरको सास्कृतिक नृत्य प्रतियोगिता, लोक दोहोरी यसैगरि दिउसो ३ बजेदेखि ५ बजेसम्म भ्वाईस अफ बुटवल, रयाप, बिबोईन्ग प्रतियोगिता, कबिता बाचन तथा ५ देखि ८ बजेसम्म हास्छ बुटवल, लोकल ब्याड, सास्कृतिक नृत्य, राष्ट्रिय कलाकारहरुको प्रस्तुति लगायत कार्यक्रम गर्ने गरि तयारी थालेको सहसंयोजक सुन श्रेष्ठले बताए । यसैगरि राष्ट्रिय कलाकारहरु दिपक बज्राचार्य, प्रकाश सपूत, शान्तिश्री परियार लगायतलाई ल्याउने उनले बताए । यसैगरि सामाजिक संजाललाई बढीभन्दा बढी उपयोग हुने गरि मेला अवधिभर टिकटक प्रतियोगिता समेत राखिएको उनले बताए ।

कार्यक्रममा बुटवल उद्योग वाणिज्य संघ रुपन्देहीका अध्यक्ष हरि अर्यालले सास्कृतिक फाट मेलाको महत्वपूर्ण हुने भन्दै दर्शकको माग अनुसारको मनोरन्जनात्मक र लोक संस्कृतिलाई टेवा दिने गरि कार्यक्रम गरिने बताए । मेला अवधिभर प्रत्येक दिन कलाकारहरुको प्रस्तुतिका साथै नया वर्षको दिन भने सुरक्षासंग समन्वय गरि रात्रिकालिन समयसम्म चलाउने गरि तयारी गरेको उनले बताए ।

कार्यक्रममा संघका वरिष्ठ उपाध्यक्ष टंक गैरेले यसपटक कलाकारहरुलाई ल्याउदा पारदर्शी बनाउने र कलाकारको प्रस्तुति अग्रिम नै जानकारी दिने गरि स्याडुल तयार गर्न लागेको बताए ।

कार्यक्रममा उपसमितिका सल्लाहकार प्रचण्ड जिसिले लोकदोहोरी प्रतियोगिता मुख्य आर्कषण रहने हुदा पनि उत्कृष्ट प्रदर्शन हुने गरि लाग्न सुझाव दिए ।

कार्यक्रममा उपसमितिका सदस्य गोपाल अधिकारीले समय ब्यवस्थापन चुनौतीका रुपमा रहने भन्दै दिउसो १२ बजे स्टेज शो शुरु गर्ने गरि तयारीमा लाग्न सुझाव दिए ।