खोज

दाङ ,२४ कात्तिक ।

नेकपा एमालेका केन्द्रीय सल्लाहकार देवी पोखरेलको निधन भएको छ । उनको गएराति निधन भएको परिवारजनले बताएका छन् नेकपा एमालेका महासचिव शंकर पाेखरेल र संबिधान सभा सदस्य मेनका पोखरेलका सहोदर दाजु देवी पाेखरेलकाे असमायिक निधन भएकाे छ ।

७४ बर्षको उमेरमा यही कात्तिक २३ गते निधन भएको परिवारले जानकारी दिएको छ । पुर्खौली घर तुलसीपुर उपमहानगरपालिका -१७ बिजौरी हाडिमे भएका पोखरेल हाल घोराही -१५ मा बसोबास गर्दै आएका थिए ।

उनीप्रति अन्तिम श्रद्धाञ्जलि अर्पण गर्न उनको पार्थिप शरिर नेकपा एमाले पार्टी कार्यालय घोराही -१५ भरतपुरमा १२ मा राखिने र आजै दिउँसो १ बजे घोराही -१८ मा रहेको शन्खेपिपल शव दाह गृहमा अन्त्यस्टी गरिने परिवारले जानकारी गराएको छ । उनी मिर्गाैलाको समस्याबाट पीडित थिए । सन्देस पत्रिकाका माध्यमवाट दङ्गालीको सन्देस झापालीलाई भन्ने कविताका माध्यमवाट झापा विद्रोहको झिल्कोलाई राष्ट्रव्यापी बनाउन उहाँले भूमिका खेलेका थिए ।

यसैबीच नेकपा एमाले महासचिव पाेखरेलले पितातुल्य दाजुको निधनको शोकमा आफ्ना सबै कार्यक्रम स्थगित गरिएको र यो बीचमा कुनै कार्यक्रममा सहभागी नहुने बताएका छन् विभिन्न साहित्यक र सामाजिक क्षेत्रमा सक्रिय रहेका पोखरेल नेकपा ( एमाले) केन्द्रीय सल्लाहकार समितिका सदस्य समेत हुन् । पोखरेलका एक श्रीमती, दुई छोरा र एक छोरी छन् ।