खोज

बुटवल, ११ कार्तिक । सहकारी संस्थाहरु उत्पादनशिल क्षेत्रमा लगानी गर्ने गरि कार्यक्रम गर्न जरुरी रहेको एक कार्यक्रममा बोल्ने बक्ताहरुले जोड दिएका छन । जागरुक बचत तथा ऋण सहकारी संस्था लिमिटेडको १७ औ वार्षिक साधारण सभा तथा सातौ निर्वाचन २०८१ मा बोल्ने बक्ताहरुले सरकारबाट सहकारी देखिएको बेतिथि हटाउने गरि योजना ल्याउनुपने बताए ।

कार्यक्रममा सहकारीका अध्यक्ष लक्ष्मण बश्यालले वार्षिक प्रगति विवरण पेश गर्दै सिमित सहकारीमा देखिएको समस्याकै कारण समग्र सहकारीप्रतिको दृष्टिकोण गलत बनाउन नहुने बताए । पछिल्लोसमय देखिएको सहकारीको समस्या समाधानमा सरकार लाग्नुपर्ने बताए । ‘सहकारी बचाउन अहिलेको देशको अभियन्ताहरुको अब योजना ल्याउनुपर्छ ।’—उनले भने । देशमा भएका ३१ हजार ५ सय सहकारीमध्ये केवल ४० वटा सहकारीहरुमा करीब ८७ अर्ब रुपैया सदस्यहरुको बचत अपचलन भएको संसदिय समितिले देखाएको उनले बताए । सहकारी डुब्नुका मुख्य कारणमा अनुत्पादक क्षेत्रमा लगानी, पारिवारिक एकाधिकार, अर्थतन्त्रमा देखिएको समस्या, दण्डहिनता, सहकारी अभियानमा सैद्धान्तिक बिचलन, तहगत रुपमा बाझिने खालको निति, अपारदर्शी निक्षेप संकलन लगायत भएको भन्दै यसमा ध्यान दिन जरुरी रहेको उनले बताए । सहकारीका शेयर सदस्यहरुलाई उदमशिल बनाउने गरि युएसआईडिको सहकार्यमा नियमित तालिम चलाउदै आएको उनले बताए ।
कार्यक्रमको एक समारोहका बिच जेष्ठ नागरिक डिलाराम भण्डारीले उद्घाटन गरे ।

नेपालमा ३१ हजार ५ सय सहकारी छन । सहकारीमा कुल शेयर पुजी ४ अर्ब १५ करोड रुपैया, बचत संकलन ४७८ अर्ब र ऋण परिचालन करिब ४२६ अर्ब पुगेको देखिन्छ । यो क्षेत्रबाट मुलुकको कुल ग्राहस्थ उत्पादनमा ३ प्रतिशत र वित्तिय क्षेत्रमा करिब २० प्रतिशत मात्र योगदान रहेको अनुमान छ । सहकारी संघसंस्थामा करीब ९४ हजारले प्रत्यक्ष र सहकारी क्षेत्रको अप्रत्यक्ष प्रभावबाट समुदाय तहमा करीब १० लाखले रोजगार पाएका छन । कार्यक्रममा सहकारीका सचिव श्याम प्रसाद पाण्डे, उपाध्यक्ष हिमलाल भट्टराई, सल्लाहकार देवि पौडेल, शेयर सदस्य बेनिराम घिमिरेले सबै सहकारीमा समस्या नरहेको भन्दै सहकारीप्रतिको दृष्टिकोण परिवर्तन जरुरी रहेको बताए ।

यसैबिच सहकारीको १७ औ वार्षिक साधारण सभा तथा सातौ अधिवेशनबाट हिमलाल भट्टराईको अध्यक्षतामा ११ सदस्यीय नया सञ्चालक समिति निर्विरोध निर्वाचित भएका छन । जसको उपाध्यक्ष श्याम प्रसाद पाण्डे, सचिव कृष्ण कुमार पोखरेल उपाध्याय, कोषाध्यक्ष मोती श्रेष्ठ तथा सदस्यमा थानेश्वर अर्याल, माधुरी आचार्य, कृष्णप्रसाद पौडेल, शेषकान्त अर्याल, रविन्द्राथ पंगेनी, टिकाकला खनाल र विजयकुमार उपाध्याय निर्वाचित भएका छन ।
यसैगरि लेखा सुपरिवेक्षण समितिको संयोजकमा तुलसीराम वञ्जाडे तथा सदस्यहरुमा कृष्ण प्रसाद पाण्डे र एमकला न्यौपाने रहेका छन । नवनिर्वाचित सञ्चालन समितिलाई निर्वाचन समितिका संयोजक संदिप सापकोटाले प्रमाणपत्र वितरण गर्दै शपथ खुवाए ।