खोज

बुटबल, ९ कात्तिक ।

तमु हयुल छोज धी गुरुङ राष्टिय परिषद बुटवल उपमहानगर समितिको २६ औ वार्षिक साधारण सभा सम्पन भएको छ । गुरुङ जातीको भेषभुषा भाषाको पहिचान गराउन सबै गुरुङ एक हुनुपर्ने कुरालाई जोड दिएका थिए ।

सभामा बोल्दै रुपन्देही जिल्ला तमु छोज धी अध्यक्ष बिमला गुरुङले गुरुङले जातीको पहिचान गराउन सबै एकजुट हुनपर्ने बताईन । पछिल्लो समय लुम्बिनी प्रदेशमा गुरुङ भाषालाई लिपीवद्ध बनाउन सफल भएको बताईन् ।

जिल्ला अध्यक्ष गुरुङले रुपन्देही जिल्लामा गुरुङहरुको सहभागिता राम्रो रहेको भन्दै बुटवल नगर परिषदले समय समयमा बिभिन्न तालिम तथा कार्यक्रमहरु गरेर समाजलाई बलियो बनाएको बताईन ।

निवर्तमान बुटवल नगर अध्यक्ष शेरबहादुर गुरुङले संस्था बलियो हुदा समाजमा पहिचान गराउन सजिलो हुने बताए । गुरुङहरुको सस्था भनेको तमुछोज धी रहेकाले यसलाई सबैको साझा बनाएर लैजानुपर्ने भन्दै सस्थाले हरेक सदस्यको सुख दुखमा काम लाग्नेगरी काम गर्नु जरुरी रहेको बताए ।

माडी जिल्ला अध्यक्ष जुनुमाया गुरुङले बुटवल उपमहानगर समितीले गुरुङ जातीलाई माथि ल्याउन बिभिन्न सिपमूलक तालिम दिएर स्वरोजगार बनाउन सहयोग गरेको बताइन् । नगरले समयम समयमा हुने कार्यक्रमहरुले दिदिबहिनीहरुलाई उर्जा मिलेको बताईन् ।

नगर अध्यक्ष बुद्री प्रसाद गुरुङले समिती गठन भएको एक बर्षमा धेरै कामहरु गर्न सफल भएको बताए । बुटबल भित्र रहेका हरेक सदस्यका सुख दुखमा हातेमालो गर्दै आएको भन्दै नगर अध्यक्ष गुरुङले बुटवल उपमहानगरपालिकाले राखेको बडा पत्रमा गुरुङ भाषाको पनि वडापत्र राखिदिन आग्रह गरे ।

तमु युवा परिषद लुम्बिनी प्रदेशका अध्यक्ष अर्जुन तमु, उपाध्यक्ष सुदिप बहादुर तमु, नगर बरिष्ठ उपाध्यक्ष उमा गुरुङ, भिम बहादुर गुरुङले बोल्दै गुरुङ जातीको पहिचान बचाई राख्न गुरुङ जातीको जन्म संस्कार विवाह संस्कार र मृत्यु संस्कार सिकाउनु जरुरी रहेको बताए । आफ्ना आन्तरिक कार्यक्रममा आफ्नै भाषा प्रयोग गर्ने गरी तैयारी थाल्नुपर्ने उनीहरुको भनाई थियो । बिभिन्न समयमा गुरुङ भाषा धर्म लिपी बनाउन योगदान गरेको भन्दै २ जनालाई सम्मान समेत गरिएको थियो ।