खोज

बुटवल, ८ कात्तिक ।

मानवता प्रवद्र्धन महाअभियानमा लागेको मावनसेवा आश्रमको सहयोगापेक्षी सडक आश्रित उद्धार राष्ट्रिय अभियान रुपन्देहीमा आएको छ । राष्ट्रव्यापी अभियान अन्तर्गत रुपन्देहीमा आएको केन्द्रीय अध्यक्ष रामजी अधिकारी, सुप्रसिद्ध गायिका आनी छोईङ डोल्मा, केन्द्रीय महासचिव सुशीला केसी (रुपा) सहितको समूहले रुपन्देहीको विभिन्न स्थानबाट ९ जना सहयोगापेक्षी मानवको उद्धार गरेको हो ।

रुपन्देहीको भैरहवा, बेथरी, धकधई सहित बुटवलका विभिन्न स्थानबाट ९ जनाको उद्दार गरिएको मानवसेवा आश्रम लुम्बिनी प्रदेश संयोजक सरु अधिकारीले जानकारी दिइन् । उनका अनुसार शुक्रबार विहान बुटवलका विभिन्न स्थानमा उद्धार अभियान चलाईने छ ।

यस्तै शुक्रबार नै रुपन्देहीको देवदह नगरपालिका क्षेत्र, नवलपरासीको सुनवल क्षेत्र सहित बर्घघाट क्षेत्रमा अभियान जारी रहने मानव सेवा आश्रमका केन्द्रीय अध्यक्ष सामजी अधिकारीले जानकारी दिए । मानव सेवा आश्रम मानवीय सेवा यही असोज २६ देखि कात्तिक २८ गते सम्म देशव्यापीरुपमा अभियानको रुपमा हिडेको अध्यक्ष अधिकारीको भनाई रहेको छ ।

रुपन्देहीमा पहिलो दिन उद्दार गरिएका सहयोगापेक्षी मानवको सरसफाई सहित मेडिकल, उपचार, पोशाक वितरण सहितको भोजन समेत ग्रहण गराइएको मानव सेवा आश्रम रुपन्देहीका संयोजक टिकामाया थापाले जानकारी दिईन् । बुटवलको मणिकुन्द सेन उद्धानमा आयोजना गरिएको सामूहिक सह भोजन कार्यक्रममा जिल्ला संमन्वय समिति रुपन्देहीका प्रमुख उमाकान्त चपाई सहित नेपाल रेडक्रस सोसाईटी लुम्बिनी प्रदेश अध्यक्ष लाल प्रसाद पंगेनी सहितका स्थानीय जनप्रतिनिधि, सरोकारवाला, आश्रमका अभिभावक राजन सापकोटा लगायतको सहभागिता रहेको थियो ।