© २०२३
६ मंसिर २०८१, बिहीबार
६ मंसिर २०८१, बिहीबार
गुल्मी, २५ असोज ।
गुल्मीमा जीप दुर्घटनामा परी १४ जना घाइते भएका छन् । बुटवलबाट रिडी–रुद्रबेणी–वामीटक्सार हुँदै बाग्लुङ्को बडिगाड गाउँपालिका अन्तर्गत खौलारतर्फ जाँदै गरेको लु १ ज ४४४८ नम्बरको यात्रुवाहक जीप शुक्रबार बिहान गुल्मीको मुसिकोट नगरपालिका ५ स्थित ईन्द्रेगौंडामा दुर्घटना भएको हो ।
दुर्घटनामा परी चालक सहित १४ जना घाइते बनेको जिल्ला प्रहरी कार्यालय गुल्मीका प्रहरी नायव उपरीक्षक शंकर पोख्रेलले जानकारी दिएका छन् । घाइतेहरु मध्ये केहीको स्थानीय स्वास्थ्य संस्थामा उपचार भैरहेको छ भने अन्यलार्ई थप उपचारको लागि लुम्बिनी मेडिकल कलेज प्रवास पाल्पा लगिएको छ ।
बिहान नौ बजेको समयमा भएको उक्त दुर्घटनामा परी घाइते भएकाहरु मध्ये तीन जनाको अवस्था गम्भीर रहेको छ । दुर्घटनामा परेकाहरुलाई नेपाल प्रहरी, नगर प्रहरी र स्थानीयहरुको सहयोगमा उद्धार गरिएको थियो । जीप अचानक अनियन्त्रित हुँदा सडकबाट १५ मिटर तल खसेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
