© २०२३
७ मंसिर २०८१, शुक्रबार
७ मंसिर २०८१, शुक्रबार
दाङ,२३ असोज ।
पश्चिम दाङको दंगिशरण गाउँपालिका-४ बैबाङस्थित बबई नदीमा पौडी खेल्ने क्रममा डुबेर एक जना बालकको मृत्यु भएको छ। मृत्यु हुनेमा दंगिशरण गाउँपालिका-४ बैबाङका नरेश खड्काका ९ वर्षीय छोरा पुस्कर खड्का रहेकाे इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।
आज दिउँसो करिब तीन बजेतिर खड्कासहित सोही ठाउँ निवासी कविराम पुनका ९ वर्षीय छोरा तारा पुनपनि पौडी खेल्न बबई नदीमा गएका थिए। पौडी खेल्ने क्रममा दुवै बेपत्ता भएपछि तत्कालै प्रहरीलाई खबर गरिएकाे थियाे ।
सूचना पाए लगत्तै इलाका प्रहरी कार्यालय तुलसीपुरका प्रहरी निरीक्षक प्रकाश थापाको कमाण्डमा गएको टोलीले उनीहरू पौडी खेल्न गएको स्थानदेखि सय मिटर दक्षिणतर्फ नदी बीच भागमा खड्काको शव फेला परेकाे थियाे ।
प्रहरी निरीक्षक थापाका अनुसार खड्कासँगै पौडी खेल्न गएका पुनलाई भने स्थानीय बासिन्दा र प्रहरीको सहयोगमा तत्कालै सकुशल उद्धार गरिएको थियाे।
प्रहरीले नागरिकलाई नदीमा पौडी खेल्दा सतर्कता अपनाउन आग्रह गरेको छ। घटनाका बारेमा थप अनुसन्धान भइरहेको प्रहरीले जनाएको छ।।।
© २०२३
सर्वाधिकार सुरक्षित
Design & Developed By:
