खोज

दाङ, २१ असोज ।

दाङको बिजौरीमा रहेको प्रादेशिक आयुर्वेद अस्पतालमा पछिल्लो समय नागरिकको बिश्वास बढ्दै गएको छ । यहाँ उपचार गरेर निको हुनेक्रम बढेपछि नागरिकको उपस्थिती बाक्लो हुँदै गएको छ । रोल्पा सिउलीबाङका ७१ वर्षका सरुमा बिक पेट दुख्ने,खान मन नलाग्ने समस्या भएर तुलसीपुर– १९ बिजौरीमा रहेको प्रादेशिक आयुर्वेद अस्पतालमा आएको भेटिए । बाहिर उपचार गर्दा ठिक नभएपछि दाङमा उपचार गर्न आएको उनले बताए । उनका श्रीमान् जीतबहादुर बिकको ढाड दुख्ने समस्या भएर उपचारका लागि सोही अस्पतालमा आएका थिए । दाङको आयुर्वेद अस्पतालमा राम्रो उपचार हुन्छ, भन्ने थाहा पाएपछि यहाँ आएको उनले बताइन् । घरको आर्थिक अबस्था कमजोर छ । यहाँ खर्च एकदमै न्यून रैछ,उनले बताइन् । ‘हामी जस्ता गरिबले उपचार गर्ने अस्पताल रहेको यहाँ आएर उपचार गर्दा मात्र थाहा भयो ।’ गाउँका अन्य नागरिकले यहाँ उपचार गरेर निको भएपछि आफूपनि यहाँ आएको बिकले बताइन् ।
घोराही उपमहानगरपालिका –९ कर्मटुवाका ७५ वर्षका तीलबहादुर खत्री हातखुट्टा दुख्ने समस्या लिएर प्रादेशिक आयुर्वेद अस्पतालमा आएको बताए । २५ रुपैयाको नाम दर्ता गरेर उपचार गर्न पाइने रैछ । उपचार पनि राम्रो रहेछ मेरो समस्या कम भयो त्यसैले डाक्टरले १५दिनमा बोलाउनुभएको थियो त्यसैले आएको बताए । २३ प्रकारका औषधि निशुल्क पाइने रैछ,उपचार राम्रो र सस्तो भएकाले यहाँ आउने गरेको उनले बताए ।

अस्पतालमा अन्तरंग,वहिरंग सेवा,कायाचिकित्क,स्त्री/प्रसुती,ज्येष्ठ नागरिक सेवा,सुरक्षित मातृत्व सेवा, ६ महिनासम्मका आमालाई औषधि, पंचकर्म सम्वन्धि सेवा, पूर्वकर्म, सेरापोक योगा, प्रोमोटीम योगा , सर्जसी सेवा, मलद्धार,पाएल्स,फिस्टुलाको उपचार सेवा रहेको अस्पतालका सूचना अधिकारी बसन्तबहादुर केसीले जानकारी दिए । नागरिकमा बिश्वास बढेकाले उपचार गर्नेको उपस्थिती बाक्लो हुने गरेको उनले बताए ।
अस्पतालका प्रमुख एवं निर्देशक डा. सन्तोषकुमार ठाकुरले दैनिक दुइ सयभन्दा बढी बिरामी उपचारका लागि आउने गरेको बताए । चिकित्सालयमा क्षारसूत्र, पञ्चकर्म, अग्निकर्मलगायतका सेवाहरू प्रभावकारी रूपमा संचालन भइरहेको बताए । बिरामीहरू दाङ लगायत रोल्पा, सल्यान, रुकुम, डोल्पा प्यूठान, सुर्खेत, नेपालगञ्ज लगायतबाट पनि उपचारका लागि आउने गरेको प्रमुख ठाकुरले जानकारी दिए । उनले भने, ‘अन्य ठाउँमा उपचार गर्दा निको नभएका बिरामी यहाँ आएर उपचार गर्दा निको भएरका थुप्रै उदाहरण रहेका छन् । त्यसैले सबैलाई एक पटक सेवा लिन आग्रह गर्छु ।’
उनका अनुसार नेपालकै शयायुक्त आयुर्वेद अस्पताल अन्तर्गत बिजौरीमा रहेको प्रादेशिक आयुर्वेद अस्पताल दोस्रो स्थानमा रहेको बताए । एक्सरे सेवा विधिवत रूपमा संचालन भइरहेको छ ।

अस्पतालमा सुविधा सम्पन्न अप्रेसन गर्ने व्यवस्था मिलाइएको र पायल्स र फिस्टुलाको उपचार केन्द्र बनेको उनले बताए । भौतिक पूर्वाधारको अभाव रहेको उनले बताए । ओपिडि र इन्डोर एउटै भवनमा संचालन गर्नुपर्ने बाध्यता रहेको बताए । ५० शैया स्तरउन्नती भयो भने उपचार सेवा अझै राम्रो हुने उनको भनाइ छ । उनले प्रत्येक महिना उजुरी पेटीका खोलेर गुनासो सुन्ने गरेको बताए । बिरामीमैत्री वतावरण रहेकाले सबैले सहज र सरल तरिकाले उपचार पाउने गरेको बताए । उनले अस्पतालमा भवन निर्माण भएको तर हस्तान्तरणमा ढिला भएकाले अहिले भएको संरचनाबाट सेवा दिन समस्या भइरहेको बताए ।
विसं २०४८ सालमा स्थापना भएको लुम्बिनी प्रदेशको दाङ जिल्लाको तुलसीपुर उपमहानगरपालिका–१९ बिजौरीमा रहेको साविकको मध्यपश्चिमाञ्चल क्षेत्रीय आयुर्वेद चिकित्सालय हाल प्रादेशिक आयुर्वेद चिकित्सालय मध्यपश्चिमाञ्चलको आयुर्वेद उपचारको केन्द्र हो ।।।