© २०२३
७ मंसिर २०८१, शुक्रबार
७ मंसिर २०८१, शुक्रबार
चन्द्रौटा(कपिलवस्तु), २१ असोज ।
विजयदशमीको अवसर पारेर ऐतिहासिक तथा पर्यटकीय स्थल सोनवागढ मन्दिर रंगरोगन गरिएको छ । कपिलवस्तुको शिवराज नगरपालिका वडा नम्बर–३, भितरियामा रहेको मन्दिरमा शिवपुर स्पेस केवल नेट शिवराज–१ शिवपुरका प्रमुख उमानाथ सुवेदीले रंगरोगन गराएको जनाए ।
प्रमुख सुबेदीले संस्थाले आफ्नो सामाजिक उत्तरदायित्व अन्तरगत विगतका वर्षहरू देखि नै सार्वजनिक मन्दिर रंगरोगन गर्दै आएका छन् । यस वर्ष यस क्षेत्रको धार्मिक एवम् पर्यटकीय क्षेत्रमा पर्ने ऐतिहासिक सोनवागढ मन्दिरमा रङ्गरोगन गर्ने कार्य गरेको उनको भनाइ छ ।
सोनवागढ मन्दिरको समग्र विकासका लागि सबैले आ–आफ्नो स्थानबाट सबैले हातेमालो गर्न आवश्यक रहेको वडा नम्बर ३ का वडा अध्यक्ष टेकलाल सापकोटाकोले बताए । पर्यटकीय गन्तव्य बनाउन तिनै तहको सरकारसँग विकास गर्न पहल गरेको उनले बताए ।
मन्दिरको प्राचिन इतिहास नमेटिने गरी विशाल मन्दिर, ग्रिनरी पार्क, बाल उद्यान, पिक्नि स्पोर्ट, धर्मशाला, सेल्फी जोन, ऐतिहासिक प्रवेश द्धार, शिव जी, हनुमान, राधाकृष्णको प्रतिमा लगायत निर्माण गरी डिपिआरको पहिलो चरणको कार्य सकिएको अध्यक्ष सापकोटाले बताए ।
© २०२३
सर्वाधिकार सुरक्षित
Design & Developed By:
