खोज

बुटवल, २० असोज । सामाजिक क्षेत्रमा अग्रसर बुटवलको राधाकृष्ण युवा क्लबले विजयादशमी तथा शुभ दिपावलीको अवसरमा सास्कृतिक साझ २०८१ आयोजना गर्ने भएको छ । क्लबको नियमित वार्षिक कार्यक्रम अनुसार नै यसवर्ष १९ औ संस्करणको सास्कृतिक साझको तयारी भएको क्लबका अध्यक्ष यम बरालले बताए । कार्यक्रमलाई भब्य र सभ्य रुपमा सम्पन्न गर्न सन्तोष भण्डारी संयोजक हुने गरि टिमलाई आवश्यक जिम्मेवारी दिईएको उनले बताए । स्थानिय कलाकारहरुलाई प्रोत्साहन मिल्ने गरि क्लबबाट विभिन्न सहयोगदाताहरुको सहयोगमा वर्षेनी मनोरन्जनात्मक कार्यक्रम गर्दै आएको उनले बताए ।

यसैबिच शनिबार क्लबको सचिवालयमा वडादशै तथा शुभ दीपावली शुभकामना आदानप्रदान कार्यक्रममा बुटवल उपमहानगरपालिका वडा नं ६ का वडा सदस्य चीनकाजी श्रेष्ठले नगरभित्र नै युवाहरुलाई एकजुट बनाएर सामाजिक कार्यमा क्लबबाट समाज सुधारका धेरै राम्रा गतिविधिहरु संचालन भएको बताए । यसमा स्थानिय सरकारबाट समेत सधै सहयोग गर्ने उनले प्रतिवद्धता जनाए ।

कार्यक्रममा वडा नं. ५ का वडासदस्य बिन्दु बिश्वकर्मा, रुपन्देही व्यापार संघका अध्यक्ष दिपक अधिकारी, सुन्दरनगर खानेपानी तथा सरसफाई उपभोक्ता संस्थाका अध्यक्ष तथा क्लबका सल्लाहकार बिरमान लामा, लुम्बिनी फलफूल तथा थोक तरकारी संघका पुर्वअध्यक्ष उजिर शाह, कृष्ण पोखरेल., मणि खनाल, टोल बिकास संस्थाका अध्यक्षहरु पुर्ण बि.क, बुद्ध बोहरा, सुरेन्द्र श्रेष्ठले समुदायमा अपनत्व हुने गरि आगामी दिनमा थप रचनात्मक कार्यक्रम गर्न सुझाव दिए ।

कार्यक्रममा क्लबका उपाध्यक्ष रिम बहादुर सारुले क्लबबाट निरन्तर वृहत रक्तदान, समुदायमा लागुऔषधबारे सचेतना, सडक दुर्घटना न्युनिकरण जस्ता कार्यक्रम समेत गर्दै आएको बताए ।

यसैगरि बुटवल उपमहानगरपालिका ५ स्थित तिनाउ पार्कमा क्लबबाट बालबालिका खेल्न पिङ बनाउने काम समेत भएको क्लबका सहसचिव सुमित खनालले बताए ।