खोज

बुटवल, १८ असोज ।
स्थानीय तहमा रहेका सञ्चारमाध्यमहरूलाई सबल बनाउन संचार नीति आवश्यक रहेको एक कार्यक्रमका सहभागीहरूले बताएका छन् । संचार माध्यमलाई प्रोत्साहन गर्ने खालका नीति बनाउन सके र समान रूपमा अनुदान दिने हो भने सबै संचार माध्यमलाई सञ्चालनमा सहयोग हुने बताएका थिए ।
बिहीवार संचारिका समुह लुम्बिनी प्रदेश र एसिया फाउन्डेसनको नागरिक समाज र मिडियाको आर्थिक सहयोगमा स्थानीय तहको संचारनीति र संचारमाध्यममा सहभागिता बारे नीतिगत छलफल कार्यक्रममा सहभागीहरूले यस्तो बताएका हुन् ।
कार्यक्रममा बोल्दै बुटवल उपमहानगरपालिकाका प्रमुख खेलराज पाण्डेयले नगरले संचारनीति, संचार नीति र विज्ञापन नीति बनाउन लागि परेको बताए । उनले यी तिनै पक्षलाई सबल बनाउन सके बुटवल नगर पनि सोचे जस्तो बन्ने बताए । यहाँ संचार माध्यमहरूले नगरको गुण र दोषको आधारमा समाचार लेख्न आग्रह गर्दै बुटवललाई सबल बनाउने पक्षमा सबै जिम्मेवार रहेको बताए । उनले आउँदा दिनमा नगरले कानुन र नीतिका विषयमा छलफल गरेर अगाडि बढ्ने धारणा व्यतm गरे ।
त्यसैगरी बुठवल उपमहानगर पालिकाका उपप्रमुख सावित्रा देवि अर्यालले कहिल्यै पनि नगर संचार माध्यमहरूलाई विभेद नगरेको बताईन । उनले कानुन अनुसार आफूहरू संचार नीति बनाएर स्थानीय तहको नेतृत्व लिन तयार रहेको बताईन ।
कार्यक्रममा बोल्दै नेपाल पत्रकार महासंघका केन्द्रिय सदस्य भवानीप्रसाद पाण्डेयले नगरले अनुदान दिईरहँदा त्यहाँ कार्यरत पत्रकारको अवस्था बारे पनि जानकारी दिन आवश्यक रहेको बताए । कार्यक्रममा बोल्दे संचारिका समुह लुम्बिनी प्रदेश अध्यक्ष अमृता अनमोलले संचार माध्यममा महिला र सिमान्तकृत समुदायको सहभागिता बढाउन आवश्यक रहेको बताईन । उनले नगरपालिकाले संचार माध्यमहरूमा अनुदान दिईरहँदा त्यहाँ महिला सहभागिताको विषयलाई पनि गम्भिर रूपमा हेर्न आवश्यक रहेको बताईन । कार्यक्रममा बोल्दै बुटवल उपमहानगरपालिकाका प्रेस विज्ञ सिपीखनाले नगरले गत वर्ष मात्रै करिव ७० लाख रुपियाँ वितरण गरेको बताए । उनले पछिल्लो समयमा केही संचार माध्यमहरूले आफूले पाए राम्रो र अरू संचार माध्यममा जाँदा नराम्रो भन्ने सोंचका कारण पनि नगरपालिकाका समस्या देखिएको बताए ।
कार्यक्रममा बोल्दै ग्लोबल आवाजका संचालक गौतम भुषालले संचार संस्था बाचे संचारकर्मी बाच्न सकिन्छ भन्ने विषयलाई बुझन आवश्यक रहेको बताए । त्यसै गरी नागरिक अनलाईका सम्पादक कपिल ज्ञवालीले नगरपालिकाले संचार माध्यमहरुलाई प्रोत्साहन गर्ने किसिमका नीति बनाउन आवश्यक रहेको बताए ।