खोज

बुटवल ।

तिलाेत्तमा,गुल्मेली सम्पर्क समाजको आयोजनामा विजयादशमी, दीपावली, छठ पर्व-२०८१ एवम् नेपाल सम्वत् ११४५ का पावन अवसरमा शुभकामना आदानप्रदान कार्यक्र श्रृङ्गेश्वरधाम (गुल्मेली गुरुयोजना स्थल) मा सम्पन्न भएको छ।

उक्त कार्यक्रम समाजका अध्यक्ष डा. नारायणप्रसाद पन्थको अध्यक्षता, लुम्बिनी प्रादेशिक अस्पतालका पूर्व मेसु सिनियर सर्जन डा. कृष्ण खनालको प्रमुख आतिथ्यमा सपन्न भएको थियो। कार्यक्रममा समाजका सल्लाहकारहरू लोकनाथ उपाध्याय, ऋषि भण्डारी, टिकाराम शर्मा घिमिरे , बासुदेव अर्याल, जेपि कडेल, लक्ष्मण अर्याल लगायतले शुभकामना मन्तव्य राखेका थिए ।

कार्यक्रममा श्रृङ्गेश्वर धामका अध्यक्ष ऋषि भण्डारी, ज्येष्ठ नागरिक मिलनकेन्द्रका अध्यक्ष यदुनाथ पान्डे, पूजा समितिका संयोजक तथा उपाध्यक्ष नेत्रप्रसाद ज्ञवालीले सम्पर्क समाज जस्तो पराेपकारी संस्थामा जोडिन नागरिक समाजका अगुवाहरुलाई आह्वान गर्दै संस्थाका कार्यक्रम र भावी योजना समेत प्रस्तुत गरेका थिए ।

कार्यक्रममा अर्जुन गौतम, तिनपा वडा नम्बर १ का अध्यक्ष फर्सुराम गिरी, समाजसेवी पिताम्वर अर्याल, दयानिधी भण्डारी, हरि ज्ञवाली , गणेश कडेल, महाशर्मा पान्डे, साहित्यकार लक्ष्मण ज्ञवाली, कविता अर्याल, राम गिरी, ढालानन्द चालिसे , भोजेन्द्र खत्रीलगायतले शुभकामना मन्तव्य राखेका थिए ।

कार्यक्रममा भाष्करनाथ पाण्डेय, यदुनाथ पान्डे, पिताम्बर अर्याल, अर्जुन ज्ञवाली (अर्जुन दृष्टि) लाई आजीवन सदस्यताको प्रमाणपत्र प्रदान गरिएको थियो ।

उक्त कार्यक्रममा बाेल्दै संस्थाका अध्यक्ष डा.नारायण प्रसाद पन्थले देशमा आएको अकल्पनीय बाढी र पहिरो जस्तो प्राकृतिक विपत्तिमा परी दिवङ्गत आत्माको चिरशान्तिको कामनासहित श्रद्धाञ्जली अर्पण गर्दै शोक सन्तप्त परिवारजनमा धैर्य धारण गर्ने शक्ति प्राप्त होस् भन्ने कामनासहित समवेदना प्रकट गर्दै घरवारविहीन बनेका नागरिकहरूकाे राहतका निम्ति आआफ्नो ठाउँबाट सहयोग गर्न सम्पूर्णमा आग्रह गरि सम्पर्क समाजले राहतको लागि हातेमालो गर्ने बताए । श्रृङ्गेश्वर धाम, ज्येष्ठ नागरिक मिलन केन्द्र, रेसुङ्गा अलौकिक बचत तथा ऋण सहकारी संस्था लि., छोरी शिक्षा कार्यक्रम तथा गुल्मेली सम्पर्क समाज रूपन्देही, सि.न.पा. शाखाको सहआयोजना कार्यक्रम सम्पन्न भएकाे थियोे ।कार्यक्रममा वरिष्ठ उपाध्यक्ष कृष्णप्रसाद भण्डारी,  महासचिव कृष्णप्रसाद पोखरेललगायतले पनि मन्तव्य व्यक्त गरेका थिए।