© २०२३
१९ चैत्र २०८१, मंगलवार
१९ चैत्र २०८१, मंगलवार
सुदूरपश्चिम ।
कैलालीको धनगढी उपमहानगरपालिकामा आजदेखि कोरोनाविरुद्धको फाइजर खोप लगाउने अभियान सुरु गरिएको छ। उपमहानगरका सबै वडामा यो खोप कार्यक्रम सञ्चालन भइरहेको जानकारी स्वास्थ्य शाखाका प्रमुख योगेश अवस्थीले दिएका छन्।
यस अभियानमा १२ वर्षमाथिका नागरिकलाई लक्षित गरिएको छ, जसमा हालसम्म खोप नलगाएका र अघिल्लो खोपको एक वर्ष पूरा गरेका व्यक्तिहरू पनि समावेश छन्।
स्वास्थ्य निर्देशनालयका अनुसार, कैलालीसहित बझाङ र डडेल्धुराका विभिन्न स्थानीय तहमा यो खोप अभियान अघि बढाइएको छ। निर्देशनालयका खोप कार्यक्रमका सम्पर्क व्यक्ति मीनराज जोशीले प्रदेशका सबै नौ जिल्लामा एक लाख नौ हजार मात्रा खोप उपलब्ध भएको जानकारी दिएका छन्।
जोशीका अनुसार, प्रदेशका सीमावर्ती क्षेत्रका स्थानहरूमा स्वास्थ्य डेस्कमार्फत एन्टिजेन परीक्षण पनि भइरहेको छ, तर हालै परीक्षणको संख्या घटेकोले खोप अभियानलाई तीव्रता दिइएको छ।
© २०२३
सर्वाधिकार सुरक्षित
Design & Developed By:
