© २०२३
६ मंसिर २०८१, बिहीबार
६ मंसिर २०८१, बिहीबार
सुर्खेत ।
घर लिप्ने माटो ( सेतो कमेरो) खन्ने क्रममा हुम्लामा दुई जनाको मृत्यु भएको छ । दशैं नजिकिएसँगै घर लिप्ने माटो लिन गएका बेला माथिबाट आएको मोटोको ढिस्कोमा पुरिएर दुई जनाको मृत्यु भएको हो ।
मृत्यु हुनेमा ताँजाकोट गाउँपालिका वडा—३ रामा गाउँका २५ वर्षीय प्राविधिक ध्रुव शाही र सोही गाउँकी २४ वर्षीया मनसरा मल्ल रहेका छन् । सँगै माटो लिन गएका सोही ठाउँका २६ वर्षीय लालबहादुर शाही घाइते भएको जिल्ला प्रहरी कार्यालय हुम्लाले जनाएको छ ।
उनीहरु आज बिहान आठ बजे घरभन्दा आधा घण्टाको दुरीमा रहेको जंगलमा माटो लिन गएका थिए ।
जिल्ला प्रहरी कार्यालय हुम्लाका सुचना अधिकारी नरेन्द्र चन्दका अनुसार ताँजाकोट गाउँपालिका–३ राम गाउँका उनीहरू दसैँमा घर सजावटका लागि बुधबार बिहान माटो खन्न गएका थिए ।
‘यता दशैंमा घर सजावट गर्नको लागि माटो तथा सेतो कमेरोले घर लिपपोत गर्ने चलन छ’ उनले भने, ‘यही माटो खन्ने क्रममा उनीहरुलाई माटोको ढिस्कोले पुरेको रहेछ ।’
© २०२३
सर्वाधिकार सुरक्षित
Design & Developed By:
