खोज

गुल्मी, १२ असोज ।
गुल्मीको चन्द्रकोट गाउँपालिका –४ स्थित “टिमुरे सामुदायिक होमस्टे” लाई ग्रामिण पर्यटकीय गन्तव्य रूपमा घोषणा गरिएको छ । विश्व पर्यटन दिवसको अवसरमा गाउँ पर्यटन प्रवद्र्धन मञ्च नेपालले शुक्रबार काठमाण्डौमा विशेष कार्यक्रमका विच नयाँ ग्रामिण पर्यटकीय गन्तव्य स्थल घोषणा गरेको हो ।

जिल्लाकै मुख्य पर्यटकीय क्षेत्रको रूपमा रहेको टिमुरे तालको नामाकरणसँगै जोडिएको टिमुरे सामुदायिक होमस्टेले जिल्लाको पर्यटन प्रवद्र्धनसँगै स्थानीय समुदायलाई आर्थिक फाइदा पु¥याउन ठूलो मद्दत पुग्ने चन्द्रकोट गाउँपालिका अध्यक्ष युवराज केसीले बताएका छन । उनले ग्रामिण पर्यटकीय क्षेत्र घोषणाबाट टिमुरे सामुदायिक होमस्टेले आगन्तुकहरूलाई वास्तविक नेपाली ग्रामीण जीवनशैलीको अनुभव प्रदान गर्नुका अतिरिक्त सांस्कृतिक संरक्षणको क्षेत्रमा समेत ठूलो टेवा पुग्ने बताए ।

समुद्र सतहदेखि १९५६ मिटर उचाईमा रहेको होमस्टेसँगै जोडिएको करिब २४०० बर्ग मिटर चौडाईमा फैलीएको टिमुरेको सुन्दर तालबाट गुल्मी लगायत विभिन्न जिल्लाका मनोरम हिमश्रृङ्खलाहरू देख्न सकिन्छ ।
चन्द्रकोट गाउँपालिका धार्मिक, ऐतिहासिक र पर्या–पर्यटनको लागि संभावना बोकेको एक महत्वपूर्ण स्थानीय तहको रूपमा रहेको गाउँपालिका उपाध्यक्ष बिष्णुप्रसाद भण्डारीले बताए । उनले टिमुरे सामुदायिक होमस्टेलाई ग्रामिण पर्यटकीय गाउँ घोषणाले त्यस क्षेत्रमा आन्तरिक एवम् बाह्य पर्यटनको माध्यमबाट स्थानीय रोजगारीका अवसरहरू सृजना गर्न सकिने प्रचुर संभावना रहेको औल्याएका छन ।

आफैमा ऐतिहासिक महत्व बोकेको चन्द्रकोट गाउँपालिकामा ऐतिहासिक चन्द्रकोट मन्दिर, दिब्रुङ्, शिवालय, किउँ, चक्रेश्वर, कौडे सत्यवती, शिद्धबाबा धाम, राम मन्दिर, अर्जेवा झरना, झुलेनी पार्क, लगायत एक दर्जन भन्दा बढी धार्मिक एवं पर्यटकीय स्थलहरू रहेका छन । गाउँपालिकाले आफ्नो नीति तथा कार्यक्रम मार्फत पर्यटन क्षेत्रको रूपमा विकास गर्न आवश्यक बजेटको व्यवस्था गरीे कला, संस्कृति र पर्यटनको क्षेत्रमा विभिन्न योजनाहरू अगाडि बढाउने जनाएको छ । पालिकाले स्थानीय कला, संस्कृतिको संरक्षण तथा जगेर्ना गर्दै समृद्ध चन्द्रकोट निर्माणका लागि “जाउँ चन्द्रकोट, घुमौँ चन्द्रकोट” भन्ने अभियान समेत शुरु गरेको छ ।

“टिमुरे सामुदायिक होमस्टे”लाई ग्रामिण पर्यटकीय गन्तव्य घोषणा गरेसँगै चन्द्रकोटवासीहरूमा थप खुसि थपिएको छ । गाउँपालिकाले पनि “टिमुरे सामुदायिक होमस्टे” लाई ग्रामिण पर्यटकीय क्षेत्र घोषणा गरेकोमा शुक्रबार शुभकामना सन्देश मार्फत सबैमा धन्यबाद प्रकट गरेको छ ।