खोज

बुटवल, १० असोज ।

१८ औ बिश्व रेबिज दिवसको अवसर पारेर तिलोत्तमा नगरपालिकाले रेविज रोग विरूद्ध साप्ताहिक निःशुल्क खोप कार्यक्रम सन्चालन गरेको छ । निःशुल्क खोप कार्यक्रमको बिहीबार तिलोत्तमा नगरपालिकाका नगर प्रमुख रामकृष्ण खाणले उदघाटन गदै रेविज रोग पशुबाट मानिसहरूमा सर्ने रोग भएकाले यो रोग लागेपछि मानिसको मृत्यु हुने गरेको भन्दै यसको रोकथाम गर्न खोप जरूरी रहेको बताए । नेपाल सरकारले २०३० सम्म नेपालबाट रेबिज रोगको उन्मुलन गर्ने अभियान चलाईरहेको भन्दै सबैको सहयोग जरूरी रहेको उनले बताए ।

रेबिज रोग रोकथाम गर्न घरमा पालेका कुकुरहरूलाई खोप दिन जरूरी रहेको बताए । खोप लगाउँदा रेबिज रोगको रोकथाम गर्न सहज हुने प्रमुख खाणको भनाई छ । तिलोत्तमा नगरपालिका बडा नम्बर २ का बडाअध्यक्ष डिल बहादुर भट्टराई, वडा नम्बर ३ वडा आध्यक्ष कल्याण पौडेल लगायतले बोल्दै रेविज बिरूद्धको खोपमा सम्पूर्ण नगरबासीको सहयोग जरूरी रहेको भन्दै आफुले घरमा पालेका जनावरहरूलाई पसु डाक्टरहरूसंग समय समयमा चेकजाँच र भयाक्सिन लगाउनु जरूरी रहेको बताएका छन् ।

पसु भेटनरी डाक्टर युवराज पन्थीले रेबिज रोग पशु संगै मानिसका लागि प्राण घातक रोग रहेको बताए । यो केग लागेपछि र्याल काड्ने, टोक्ने छटपटाउने जस्ता लक्ष्ण देखिने भएकाले यसको रोकथाम गर्न खोप अनिवार्य रहेको बताए । नेपालका धेरै ठाउँमा रेबिज विरूद्धको भ्याक्सिन अभियान चलिरहेको भन्दै सबैले खोप लगाउन जरूरी रहेको बताए । तिलोत्तमा नगरपालिले निःशुल्क खोप कार्यक्रम चलाईरहेको पसु शाखा प्रमुख राजु कुँवर मगरले बताए । खोप कार्सक्रममा नेभला रूपन्देही र अलकियर नेपाल रूपन्देहीले प्रविधिक सहयोग गरेको छ ।