© २०२३
८ आश्विन २०८१, मंगलवार
८ आश्विन २०८१, मंगलवार
जितपुर, ०८ असोज ।
कपिलवस्तुको वाणगंगा विद्यालय जान हिँडेकी एक बालिका एकसाता देखि सम्पर्कविहीन भएकी छिन् । बाणगंगा नगरपालिका वडा नम्बर ८ बाणिगाउँस्थित गिरबहादुर पुनको छोरी वर्ष १५ की सरिता पुन एक साता देखि सम्पर्कविहीन भएकी हुन ।
भदौ ३१ गते बिहान विद्यालय जान भनि विद्यालय पोशाकमा हिँडेकी पुन हाल सम्म पनि सम्पर्कमा नआएको उनका परिवारजनले बताएका छन् । सरिताले बाणगंगा मावि लौगाइमा कक्षा १० मा अध्ययन गर्छिन् । यता सरिताका परिवारले आफ्नो छोरी सम्पर्कविहीन भएको घटना प्रहरीलाई समेत जानकारी गराएका छन् । सरिताका बुवा गिरबहादुर पुन मगरले अहिलेसम्म त्यसरी कहिँ नगएकी छोरी एक्कासी कहाँ गई भन्ने थाहा पाउन नसकको बताए ।
उनले आफ्नो छोरीको खोजि कार्यमा सहयोग गरिदिन पनि आग्रह गरेका छन् । बुवा गिरबहादुर पुन र आमा बसन्ती पुनले सरितालाई कहि कतै फेला पारेमा नजिकैको प्रहरी कार्यालयमा सम्पर्क गरिदिन अनुरोध गरिएको छ । इलाका प्रहरी कार्यालय पिपराले समेत घटनाका विषयमा खोजी भइरहेको बताएको छ ।
© २०२३
सर्वाधिकार सुरक्षित
Design & Developed By:
