खोज

चन्द्रौटा (कपिलवस्तु), ०६ असोज ।
२०८१ बैशाख २३ गते बिहान ९ बजेको समय थियो । धनुषा घर भएकी परिवर्तित नाम (रमिला) विद्यालयमा भाइलाई खाना छाड्न गएकी थिइन् । त्यहाँबाट फर्किने क्रममा ३ वटा मोटरसाइकल आयो । सो मोटरसाइकलमा सवार व्यक्ति अपरिचित थिए । उनलाई अचानक मोटरसाईकलमा ती अपरिचित व्यक्तिहरूले जबरजस्ती राखी बन्दक बनाइ भारत पु¥याएका थिए ।

अचनाक छोरी सम्पर्क विहीन भएकी उनलाई वरिपरि खोजतलासपछि मानवबेचबिखन विरुद्ध कार्य गर्ने निकाय र प्रहरीलाई समेत खोजि दिन परिवारले आग्राह गरेका थिए । गत असार ११ गते प्रहरी कार्यालयको सञ्चार अनुसार शान्ति पुन स्र्थापना गृह र जिल्ला प्रहरी कार्यालय धनुषामा अपहरणको उजुरी दर्ता गरिएको थियो । सम्बन्धि निकायले अनुसन्धान प्रक्रियामा सक्रियता राखेपछि यतिबेला धनुषाबाट हराएकी १७ वर्षीया उनलाई भारतको गुजरातबाट उद्वार गरिएको छ । शान्ति पुन स्र्थापना गृहको पहलमा नेपाली दूतावास, हेल्प क्रस देहरादून र नेपाल प्रहरी लगायत सम्बन्धित निकायको सहयोगमा परिवर्तित नाम (रमिला) लाई केहि दिन अघि उद्वार गरिएको हो ।

शान्ति पुन स्र्थापना गृहका अनसार जिल्ला प्रहरी कार्यालय धनुषाको अनुरोधमा भारतीय फोन नम्बर फेला पारिएको थियो । जसपछि भारतको प्रहरीले सर्भिलाइन्समा लागेर लोकेशन पत्ता लगाइयो । उद्धार कार्यमा नेपाल प्रहरीका प्रमुख निरीक्षक रास नारायण यादव, हेल्प क्रस देहरादूनका महासचिव विशाल थापा र शान्ति पुन स्र्थापना गृहका परामर्शदाता चन्द्र महतोको टोली गुजारात पुगेर भारतीय प्रहरीले दिएको सहयोगमा उद्धार गरिएको गृहका राष्ट्रिय उद्वार संयोजक भुमिराज भट्टराईले जनाए । उनका अनुसार उद्धारपछि बालिकालाई डोक्युमेन्टेशनका लागि सिडब्लुसी बडोद्रामा राखिएको थियो । केहि दिन अघि नेपाल फर्काइ थप अनुसन्धान भइरहेका जनाइएको छ । उक्त घटनाबारे थप अनुसन्धान गर्न किशोरीलाई धनुषा जिल्ला प्रहारी कार्यालयमा बुझाइएको छ । मानव अधिकारकर्मीले यस उद्वार कार्यलाई स्वागत गर्दै किशोरी र परिवारको सुरक्षामा सरकारले थप ध्यान दिनुपर्ने बताएका छन् ।