खोज

बुटवल .।

लायन्स क्लब बुटवल सयपत्रीले शान्ति प्रवद्र्धन गर्ने उद्देश्यले नविन औद्योगिक कदर बहादुर रीता माविमा चित्रकला प्रतियोगिता सम्पन्न गरेको छ । “सीमा विहिन शान्ति” थिममा आधारित यस प्रतियोगितामा रुपन्देहीका १३ वटा विद्यालयका विद्यार्थीहरुले सहभागिता जनाएका थिए।

कार्यक्रममा क्लब अध्यक्ष कमला बस्नेत कुँवरले नयाँ पुस्तालाई शान्ति स्थापना र रचनात्मकता विकासमा योगदान गर्न प्रेरित गर्ने लक्ष्य रहेको बताईन् । उनले विद्यार्थीहरुको सहभागिता र उत्साहलाई उच्च सम्मान गर्दै समाजमा शान्ति र सामाजिक सचेतनाको महत्व औल्याइन् ।

प्रतियोगितामा आवर पिस ल्याण्ड एकेडेमीकी छात्रा कन्चन श्रीस प्रथम, दिप बोर्डिङ स्कूलका छात्र सोमिन पिया द्वितीय, गार्गी एकेडेमीकी छात्रा अन्तिम राना तृतीय र न्यू इन्भारमेन्ट इङ्लिस बोर्डिङ स्कूलले चौथो स्थान हासिल गरे। कार्यक्रममा कालिका मावि, जनजागृति मावि, इभरेष्ट इङ्लिस बोर्डिङ स्कूल, जनज्योति मावि, न्यू होराइजन इङ्लिस बोर्डिङ स्कूल, क्यानन सेकेन्डरी स्कूल, नविन स्कूल र अक्सफोर्ड इङ्लिस बोर्डिङ स्कूलका विद्यार्थीहरुको पनि सहभागिता रहेको थियो।

कार्यक्रमका प्रमुख अतिथि डिष्ट्रिक ३२५ पीका गभर्नर लायन पुरुषोत्तम भक्त प्रधानांग एमजेएफले लायन्स क्लबद्वारा आयोजित पिस पोष्टर कार्यक्रमको महत्वबारे चर्चा गर्दै यसले विश्वव्यापी रुपमा शान्ति र भाइचाराको सन्देश प्रवाह गर्ने बताए । उनले लायन्स क्लब बुटवल सयपत्रीले यो कार्यक्रम डिष्ट्रिकमै पहिलोपटक सम्पन्न गरेकोमा प्रशंसा गरे । उनका अनुसार, सहभागी विद्यार्थीहरुले चित्रकलामा शान्तिको अद्भुत प्रतिकहरु प्रस्तुत गरेका थिए, जसले समाजमा एकताको भावना जगाउँछ।

मल्टिपल मार्केटेड कोर्डिनेटर लायन अरुण प्रताप राना पिएमजेएफ, फष्ट डिष्टिक गभर्नर लायन बालाराम भट्टराई पिएमजेएफ, सिनियर डिष्टिक एडभाइजर प्रतिभा श्रेष्ठ, सिनियर डिष्ट्रिक एडभाइजर लायन सविना श्रेष्ठ, नविन स्कूलका प्रधानाध्यापक प्रेम बहादुर बस्नेत, निर्णायक मण्डल सदस्य मन गोल्डि, एरिया चिफ दीपक श्रेष्ठ, रिजन चियर पर्सन विष्णु उपाध्याय र कुमार तामाड लगायतले पनि कार्यक्रममा आफ्नो धारणा राखेका थिए।

कार्यक्रम संयोजक तथा पूर्व अध्यक्ष सृजना श्रेष्ठ, सचिव शान्ती लक्ष्मी अर्याललगायतले पनि बोलेका थिए ।

पिस पोष्टर कार्यक्रमले विद्यार्थीहरुलाई शान्ति, भाइचार र एकताको महत्व बुझाउन महत्वपूर्ण भूमिका खेलेको आयोजकले बताएका छन्।