© २०२३
१५ माघ २०८१, मंगलवार
१५ माघ २०८१, मंगलवार
दाङ ।
लुम्बिनी प्रदेश सभामा प्रदेश निजामती सेवा ऐन, २०८० लाई संशोधन गर्न बनेको प्रतिवेदन सहितको विधेयक पेश भएको छ । प्रदेश सभाको चौथो अधिवेशनको ३४ औं बैठकमा प्रदेश मामिला तथा कानून समितिका सभापति दिल कुमारी बुढाले प्रदेश निजामती सेवा ऐन, २०८० लाई संशोधन गर्न बनेको प्रतिवेदन सहितको विधेयक पेश गरेका हुन् । आजै पाँच बजे बस्ने ३५ औं बैठकमा संसोधन विधेयक पारित गर्ने तयारी छ ।
बैठकमा लुम्बिनी प्रदेशका मुख्यमन्त्री चेतनारायण आचार्यका प्रतिनिधि भौतिक पूर्वाधार विकास मन्त्री भूमिश्वर ढकालले प्रदेश लोक सेवा आयोगको बार्षिक प्रतिवेदन २०८०–०८१ सभामा पेश गरेका थिए । सभाले यो प्रतिवेदनलाई अध्ययनका लागि प्रदेश मामिला तथा कानुन समितिमा पठाएको सभामुख तुलाराम घर्ती मगरले सभा समक्ष जानकारी दिए । बैठकमा स्वास्थ्य मन्त्री खेम बहादुर सारु र उर्जा जलस्रोत तथा सिंचाई मन्त्री सिता शर्मा चौधरीले अघिल्ला बैठकमा प्रदेश सभा सदस्यहरुले उठाएका प्रश्नको जवाफ दिएका थिए। सोमवारको बैठकमा प्रदेश सभा सदस्यहरुले समसामायिक बिषयमा धारणा राख्दै जनसरोकारका बिषयमा सरकारको ध्यानाकर्षण गराएका हुन ।
© २०२३
सर्वाधिकार सुरक्षित
Design & Developed By:
