© २०२३
२५ आश्विन २०८१, शुक्रबार
२५ आश्विन २०८१, शुक्रबार
सुर्खेत, २९ भदौ ।
दैलेखको नारायण क्याम्पसमा भएको स्वतन्त्र विद्यार्थी युनियन (स्ववियु) निर्वाचनमा एमाले निकट अखिल नेपाल राष्ट्रिय स्वतन्त्र विद्यार्थी युनियनको प्यानल नै विजयी भएको छ । चारवटा विभिन्न विद्यार्थी संगठनका गठबन्धनलाई परास्त गर्दै अनेरास्ववियुको पुरै प्यानल नै विजयी भएको हो ।
नेविसंघ, अखिल क्रान्तिकारी, विप्लप निकट विद्यार्थी संगठन र अनेरास्वयू समाजवादीबीचको गठवन्धनलाई हराउँदै अनेरास्ववियुले स्ववियुमा वर्चस्व जमाएको छ । स्ववियु सभापतिमा हिमबहादुर बस्नेत विजयी भएका छन् ।
शुक्रबार भएको निर्वाचनमा नेपाल विद्यार्थी संघका विष्णुप्रसाद कोइरालालाई नौ मतले पछाडी पार्दै अनेरास्ववियुका बस्नेत विजयी भए । सचिवमा अनेरास्ववियुका फिलिप सिंहले ६५ मतान्तरसहित समाजवादी अनेरास्ववियुका टेकराज बुढालाई पराजित गरे । सिंहले एक सय ९२ मत प्राप्त गर्दा बुढाले एक सय २७ मत प्राप्त गरी पराजित भए । कोषाध्यक्षमा अनेरास्ववियुका शुष्मा शाहीले ३१ मतान्तरसहित अखिल क्रान्तिकारीका भुवनप्रसाद पाण्डेलाई पराजित गरिन् । शाहीले एक सय ७२ मत प्राप्त गर्दा पाण्डेले एक सय ४१ मत प्राप्त गरी पराजित भए ।
© २०२३
सर्वाधिकार सुरक्षित
Design & Developed By:
