© २०२३
६ मंसिर २०८१, बिहीबार
६ मंसिर २०८१, बिहीबार
भैरहवा, २० साउन ।
अग्रज पत्रकार चेतन पन्तको निधन भएको छ । पन्तको आइतबार (आज) राती ९ः१० बजे निधन भएको उनका सहोदार भाइ रवि पन्तले बताए । विगत २ वर्षदेखि क्यान्सर रोगबाट ग्रसित पन्तको सिद्धार्थनगर नगरपालिका–६ दुर्गाकलोनीस्थित आफ्नै निवासमा निधन भएको हो ।
६६ वर्षको उमेरमा निधन भएका पत्रकार पन्तको सोमबार (भोली) बिहान ९ बजे सिद्धार्थनगर–१२ स्थित स्वर्गद्वारी घाटमा अन्तिम दाहसंस्कार गरिने उनको पारिवारिक स्रोतले जनाएको छ ।
लामो समयदेखि उनी पत्रकारिता क्षेत्रमा क्रियाशिल थिए । पन्त विशेष गरी बुद्ध जन्मस्थल लुम्बिनीको प्रचारप्रसारमा लागेका थिए । उनको निधनले समाजसँगै राष्ट्रलाई अपूरणीय क्षति पुगेको लुम्बिनी प्रेस क्लबका सल्लाहकार समेत रहेका गौतमबुद्ध सन्देश दैनिकका सम्पादक कुलमणि ज्ञवालीले बताए । स्वर्गीय पन्तका श्रीमती र दुई छोरा छन् ।
© २०२३
सर्वाधिकार सुरक्षित
Design & Developed By:
