खोज

बुटवल, २० साउन ।

नेपाल अपाङ्ग आश्रम देविनगरलाई खाद्यान्न सहयोग जुटेको छ । ईलाका प्रहरी कार्यालय धकधईको अगुवाईमा विभिन्न ब्यावसायिक संघसंस्था तथा उद्योगबाट साढे ३ क्वीन्टल चामल, सय केजी पिठो, ४० केजी चिउरा, १ पेटि तेल, २ बोरा सोयाबिन, २५ किलो दाल, ५ किलो सुजी, १५ केजी हरियो तरकारी संकलन गरी हस्तान्तरण गरिएको हो ।

बुटवल टुडे दैनिक तथा अनलाईनमा ‘अभाव खेप्दै देविनगर अपाङ आश्रम’ शिर्षकमा समाचार प्रकाशित भएसंगै सहयोग जुटेको हो । ईलाका प्रहरी कार्यालय धकधई ४५ के.जी. चामल, सदा शिव ईण्डष्ट्रिज प्रा.लि. सेमरहवा १० के.जी. सोयाविन, बुटवलका कृष्ण खनालले हरियो तरकारी, हिमगिरी फुड प्रा.लि. रोहिणी ४० के.जी. चिउरा, जय हरी एग्रो प्रा.लि. सेमरहवा ५० के.जी. चामल, वेस्टर्न एग्रो इण्डष्ट्रिज रोहिणी आँटा ५० के.जी. तथा सुजी–५ के.जी., जय मा करणी एग्रो इण्डष्ट्रिज ५० के.जी. आटा, सरोवर एग्रो ईण्डष्ट्रिज ओमसतिया २५ के. जी चामल, सिद्धिविनायक एग्रो इण्डष्ट्रिज प्रा लि धकधई ५० के जी चामल, श्री जि फुड प्रा लि धकधई दाल २५ के जी, अमन ट्रेडर्स धकधई २५ के जी चामल, रोहिणी एग्रो ईण्डष्ट्रिज रोहिणी ५० के जी चामल, माया सनसाइन ओमसतिया १० लि तेल, जय अम्वे राइस मिल रोहिणी ५० के जी चामल, सजिवन मल्लाह धकधई २९ के जी चामल सहयोग संकलन गरी आइतबार आश्रमका अध्यक्ष डोल बहादुर रामदामलाई हस्तान्तरण गरिएको छ ।

समुदाय प्रहरी साझेदारी कार्यक्रम अन्तर्गत सहयोग हस्तान्तरण गरिएको प्रहरी कार्यालयका प्रमुख प्रहरी निरिक्षक कृष्ण घिमिरेले बताए । शुभ जन्मदिवस, विवाह उत्सव, पितृकार्य र संघसंस्थाहरुको सहयोग हुँदै आएको आश्रमका अध्यक्ष डोल बहादुर रामदामले बताए ।