खोज

बुटवल, १९ साउन । मानव जीवनको लागि आधारभुत आवश्यकता मानिने पिउने पानी सहज पहुच हुने गरि तीन तहकै सरकारको ध्यान जानुपर्ने एक कार्यक्रममा बोल्ने बक्ताहरुले आग्रह गरेका छन । सुन्दरनगर खानेपानी उपभोक्ता तथा सरसफाई संस्थाको शनिबार बुटवलमा सम्पन्न १२ औ साधारण सभामा बोल्ने बक्ताहरुले सरकारबाट संचालन भएका पिउनेपानीका परियोजनाहरु छिटोभन्दा छिटो सक्ने गरि काम गर्न सुझाव दिएका हुन ।

कार्यक्रमको एक समारोहका बिच लुम्बिनी प्रदेश सभा सदस्य तथा पुर्वमन्त्री भोजप्रसाद श्रेष्ठले उद्घाटन गर्दै लुम्बिनीको विकासमा सबै राजनीतिक दलहरु एक हुनुपर्ने बताए । एमाले र काग्रेस दुबै राजनीतिक पार्टी सिद्धान्त र कार्यक्रम फरक भएपनि देशमा संकट र समस्या परेको बेला एकठाउ उभिएको भन्दै जनताको आवश्यकतालाई सम्बोधन हुने गरि लाग्नुपर्ने बताए । बिस २०५१ सालमा आफु सुकुम्बासी आयोगमा रहदा ७ महिनाको अवधिका ६० हजार घरधुरी नापजापका साथै ५ हजार लालपुर्जा वितरण गरिएको स्मरण गर्दै यस क्षेत्रको विकासको कामलाई अघि बढाउनुपर्ने बताए । देशमा स्थाईत्व नहुदा यो काम लामोसमयदेखि रोकिएको भन्दै अब भने काममा लाग्ने सहि समय भएको बताए । यो वर्ष नै सडक पुर्वाधार, तिनाउ तटबन्धनका जस्ता काममा तिब्रता लिने उनले बताए ।

कार्यक्रममा संस्थाका वरिष्ठ उपाध्यक्ष यम बरालले वर्ष २०८०/२०८१ सम्म ६६२ धारा जडान गरिएको तथ्याक प्रस्तुत गरे । यसमध्ये महिला ३४४ र पुरुष ३०६ जना र संघसंस्था १२ धारा जडान भएका छन । संस्थाको २२५ घनमिटर क्षमताको एउटा ओभरहेड टंकी रहेको भन्दै आगामी दिनमा खानेपानी पाईपलाईन बिस्तार, सरसफाईलाई अघि बढाउन जरुरी रहेको उनले बताए ।

कार्यक्रममा संस्थाका अध्यक्ष बिरमान तामाङले निक्कै मेहनत गरेर स्थानिय बासिन्दाहरुलाई पिउने पानी उपलब्ध गराउन सफल भएको भन्दै छिटै नै परियोजना पुरा गर्ने क्रममा रहेको बताए । नेपाल सरकारको शुद्ध पानी मापदण्ड अनुसार आगामी दिनमा कार्यक्रम अघि बढाउने उनले बताए । संस्था एक आर्थिक वर्षमा डेढ करोड कारोबार गरि ३८ लाख बचत गर्न सफल भएको भन्दै मानवीय सेवासंगै समाजलाई मजबुत बनाउदै अघि बढ्न सफल भएको बताए ।

कार्यक्रममा बुटवल उपमहानगरपालिका वडा नं ६ का वडाअध्यक्ष लोकनाथ न्यौपानेले बुटवलको विकासमा धेरै काम गर्न जरुरी रहेको दाबी गरे । केही गरौ भन्ने जनप्रतिनिधिहरु भष्ट्रचारको आरोप र अख्तियार धाउनुपरेको बाध्यता सुनाए । पानीको दिर्घकालिन समाधान गर्न झुम्सा परियोजना जरुरी भएको भन्दै उनले अब भने पानी आउने दाबी गरे । एकअर्कामा राजनितिक दोष दिएर काम नभएको जनताको गुनासो चिर्ने गरि लाग्नुपर्ने उपयुक्त समयल आएको भन्दै उदाहरणिय काम गर्न जरुरी रहेको उनले बताए । समाजमा काम गर्दा कसले भन्दा पनि हातेमालो गरेर लग्नुपर्नेमा जोड दिए ।

कार्यक्रममा खानेपानी डिभिजन कार्यालयका प्रमुख राजकुमार चौधरीले तीन तहकै सरकारको एउटै लक्ष्य शुद्घ पिउने पानी उपलब्ध गराउने भएको बताए । सुन्दरनगर खानेपानी परियोजना निर्माण पूरा भएर हस्तान्तरणको अन्तिम चरणमा पुगेको उनले बताए । खानेपानी गुणस्तर कार्यक्रम समेत चलाएको छ । पानीमा आईरन, चुना र आर्सनिकको अवस्था परिक्षण गरेर शुद्धता दिने गरेको उनले बताए । जसका लागि ट्रिटमेन्टप्लान्ट जडानको काम यो वर्ष रुपन्देहीका ३ स्थानमा चलेको उनले बताए । पहिलो प्राथमिकता पिउने पानी लग्ने त्यसपछि गुणस्तर तर्फ जोड दिने गरिने उनले बताए । महिनामहिनामा पानी जाँच गर्ने र उपभोक्ताको स्वस्थ्यमा जोड दिन आग्रह गरे ।

कार्यक्रममा चन्द्रनगर खानेपानी तथा उपभोक्ता संस्थाका उपाध्यक्ष कृष्ण पोखरेलले बुटवल नगरभित्र खानेपानी संस्थाबाट वितरण भएको पानी भन्दा स्वच्छ र पिउनयोग्यपानी वितरण गर्न सफल भएको बताए ।

कार्यक्रममा रुपन्देही व्यापार संघका अध्यक्ष दिपक अधिकारी, संस्थाका वरिष्ठ सल्लाहकार बलराम न्यौपाने, डिभिजन कार्यालयका विष्णु पोखरेल, नेपाल मानव धर्म सेवा समितिका अध्यक्ष चोपनारायण बन्जाडे, कालिकाटोल विकास संस्थाका अध्यक्ष धना पौडेलले पिउने पानी र सरसफाईमा निरन्तर अभियान चलाएर संस्था अघि बढेको बताए ।

कार्यक्रममा कालिमा मानव ज्ञान माबि कक्षा–३ का कृसब गुरुङ, ज्ञानोदयमा कक्षा ४ कि निरु बिकलाई छात्रवृत्ति तथा संस्थाका जेष्ठ नागरिक हिरा बहादुर रायमाझी, एकल महिला कालिका दमाईलाई नगदसहित सम्मान गरिएको संस्थाका सचिव प्रकाश खनालले बताए ।