खोज

बुटवल, १७ साउन ।
यातायात ब्यवस्था कार्यालय सवारी बुटवलको लापरवाहीका कारण यहाँका व्यवसायीहरूले अन्य प्रदेशमा सेवा लिन जान थालेका छन् । बुटवल कार्यालयको अनलाईन दर्ता प्रक्रिया सहज नहुँदा अन्यत्र जान बाध्य भएको उनीहरूको भनाइ छ ।
बुटवलमा नै सवारी दर्ता कार्यालय रहेपनि अनलाईन सफ्टवेयर प्रणाली सहज रूपमा काम नगर्दा लुम्बिनी प्रदेशका यातायात व्यवसायीहरूले अन्य प्रदेशमा गएर सवारी दर्ता गरी प्रदेशमा चलाउनुपर्ने बाध्यता आएको हो ।

यातायात कार्यालय बुटवलले अनलाईन द्रता गराउने भन्दै २०८१ बैशाख २ गते देखि सप्टवयर र मार्फत काम सुरु गरिएको थियो । तर सप्टवयरले राम्रो सँग काम नर्गदा लुम्बिनी सरकारलाई करोडौँ घाटा हुने देखिएको छ । अनलाईन काम गर्न धेरै समय लाग्ने एउटा सवारी दर्ता गर्दा २१ पटक सम्म कार्यालयका बिभिन्न शाखामा चक्कर कटाउने कुराले सेवाग्राही पिडीत हुदै आएका छन भारतको सन्द्रास बाट सन्चालित सप्टयर राम्रो सेवा दिन नसकेर नेपालका धेरै यातायात कार्यालयहरूले हटाईसकेका छन । तर अन्य कार्यालयमा सोचे जस्तो सेवा दिन नसकेको फेलभएको सिस्टम सफ्टवेयर यातायात कार्यालय बुटबलमा भने कार्यालय प्रमुख केही कर्मचारीका लहै लहेमा जडान गरिएको कर्मचारीको गुनासो रहेको छ ।

गएको बैशाखबाट अनलाईन काम गर्ने भन्दै जडान गरिएको सप्टवेरले बैशाख महिनामा केही काम गरेपनि त्यसपछिका ३ महिना कामै नगरेको ब्यबसायीहरूले गुनासो गरेका छन । सेवादिने भन्दा धेरै दुःख दिनेगरी सप्टवेर सन्चालन गरिएको भन्दै गाडी कम्पनीका प्रतिनिधिहरूले भने अनलाईन दर्तामा धेरै त्रुटिहरू छन । राम्रोसँग नचल्ने सवारी कर तीर्न मिल्ने अप्सन समेत नभएको एउटा गाडी दर्ता गर्न आउँदा पटक–पटक बिभिन्न शाखामा लाईन लाउनुपर्ने समस्या देखीएपछि भ्याटबिल काटेका र लुम्बिनीमा दर्ता हुन आएका धेरै सवारी साधनहरू अन्यन्त्र दर्ता हुन गएको उनीहरूको भनाइ छ ।
कार्यालयमा सप्टयर राखेपछि अनलाईन काम गर्दा धेरै सवारीसाधन दर्ता हुनुपर्नेमा गत बर्षको तुलनामा न्युन रहेको कार्यादलको तथ्यांकले देखाएको छ ।

२०८० साल बैशाखमा ५ हजार १ सय ७६ बटा सवारी साधन दर्ता भएकोमा २०८१ बैशाखमा जम्मा १३ सय २३ सवारी साधन दर्ता भएका छन । त्यस्तै २०८० जेठमा ७ हजार ९ सय ८१ सवारी साधन दर्ता भएकोमा २०८१ जेठमा २४ सय २५ सवारी साधन दर्ता भएको देखीन्छ । २०८० अषाढमा २४ सय ४५ सवारी साधन दर्ता भएकोमा २०८१ आषाढमा जम्मा ३१ सय ६७ सवारी साधन दर्ता भएको कार्यालयको रेकटमा देखीएको छ । गत बर्ष बैशाख जेठ अषाढमा १६ हजार ६ सय २ नयाँ सवारी दर्ता गरेको यातायात कार्यालय बुटवलमा यस बर्ष अनलाईन दर्ता सुरु गरेको ३ महिनामा मात्र ६ हजार ९ सय १५ सवारी साधान दर्ता हुनुले पनी अनलाईन सवारी दर्ता राज्यका लागि घाटा हुने देखीएको छ । बुटवल कार्यालयमा अनलाईन दर्ता सुरु गरेर सेवाग्राहीलाई भनेजस्तो सेवा दिन नसकेपछि धेरै नयाँ सवारी साधनहरू अन्यत्र दर्ता हुन गएको ब्यबसायीहरू बताउँछन ।

यातायात ब्यबस्था कार्यालय सवारीका सूचना अधिकारी लोक कुमार कार्कीले अनलाईन दर्ता प्रकृया लामो भएकाले सेवाग्राहीलाई सेवालिन कठीन भैरहेको बताउँछन । नयाँ गाडीको कर दामासाइ मात्र तिर्नमिल्ने गरी राखेकाले नयाँ गाडीको फुल कर लिन नसकेको भन्दै कार्यालयमा नयाँ सप्टवेयरमा समस्या देखीएपछी नयाँ गाडीहरू अन्य प्रदेशमा दर्ता गर्न गएको सुचना अधिकारी कार्कीको भनाई छ ।
यता निमित्त कार्यालय प्रमुख लक्ष्मण लम्सालले बिभागले सप्टवेयर लागूगरेको र हाल केही समस्या देखिएको सो बारेमा बिभागलाई जानकारी गराएको बताए । तर यातायात कार्यालय सवारी बुटबलमा अनलाईन दर्ताका नाममा दुइ महिनादेखि सेवाग्राही सेवा लिन नसकेर जरीवाना तिर्न बाध्य पारिएको छ । यसबारे कार्यालयले समयमा समाधान नगरे यातायात कार्यालय बुटवल लुम्बिनीमा उठ्ने करोडौ राजश्व गुम्ने देखिएको छ ।