खोज

बुटवल, ६ साउन ।

लायन्स क्लब अफ तिलोत्तमा स्टार्सले तिलोत्तमा ६ पश्चिम पहुनीस्थित सत्य लक्ष्मी आधारभूत विद्यालयमा सहयोग गरेको छ । क्लबले शुक्रबार एक कार्यक्रमका बिच बिद्यायलाई स्टेनशनरी, खेलकुद सामग्री, पानीजार लगायतका सामग्री प्रदान गरेको हो । शैक्षिक सामग्री तथा खेलकुद सामग्रीहरु क्लब अध्यक्ष बिना पौडेल क्षेत्रीले स्कुलका प्रधानाध्यापक रमेश पाठकलाई हस्तान्तरण गरेका हुन् ।

आरुषी थापाको जन्मोत्सवका अवसरमा आर्थिक सहयोग गरेको थियो । यस्तै कार्यक्रममा तिलोत्तमा नगरपालिका उपप्रमुख जागेश्रर देवि चौधरीले मानवीय सेवा भावनाले सामाजिक क्रियाकलापमा लायन्सको योगदान उच्च रहेको भन्दै आगामी दिनमा निरन्तरता दिन र अति गरिब तथा विपन्न वर्गका छोराछोरीहरुलाई शिक्षाबाट बन्चित नहुन भनेर सहयोग गरेकोमा प्रशंसा गरे । बिद्यालयमा आवश्यकतालाई मध्यनजर गर्दै कक्षा नर्सरी देखि ५ सम्मका गरिब तथा जेहेन्दार ८० जना बिद्यार्थीलाई शैक्षिक सामाग्री बितरण गरिएको सयोजक रत्ना रिजालले बताइन ।

यसैविच लायन्स क्लब अफ तिलोत्तमा स्टार्सले एक कार्यक्रमको बिच बृक्षरोण गरेको छ । सत्य लक्ष्मी आधारभूत विद्यालय प्राङ्गगणमा विभिन्र प्रजातिका फुलहरु बृक्षरोपण गरेको सयोजक रमेश पराजुलीले बताए । अध्यक्ष विना पौडेल क्षेत्रीका अनुसार तिलोत्तमा नगरपालिका भित्र यो बर्ष ५ हजार बृक्षरोपण गर्ने बताए । कार्यक्रममा जिएसटी कोडिनेटर आशिष कृष्ण श्रेष्ठ, एरिया ३ चिफ शान्ति पाठक पाण्डे, विद्यालय ब्यवस्थापन समिति अध्यक्ष देवि भुसाल, क्लबका संस्थापक अध्यक्ष लक्ष्मी थापा, तृतीय उपाध्यक्ष रामप्रसाद पौडेल, कोषाध्यक्ष पिताम्बार खनाल, जनसम्पर्क अधिकारी मधुसुधन गैरे, एलसीआइएफ कोडिनेटर श्रवण कुमार ढुगाना लगायतले बोलेका थिए ।