खोज

बुटवल, ४ साउन ।

चौराहा अस्पतालको गेटमा बुधबार एक जना वृद्धा हसिलो मुहारमा नर्सहरूसंग बिदाई हुदै थिईन । स्टेचरमा रहेकी ९९ वर्षिय कमलादेवि श्रेष्ठलाई हात जोडेर बिदा लिईन । स्टेचरबाट एम्बुलेन्समा चढ्दै गरेकी उनले आफूलाई सेवा दिएका नर्सहरूप्रति धन्यबाद टक्राईरहँदा वरपर बिरामी कुरुवाहरू हेरिरहेका थिए । अस्पतालमा उनको हिपको शल्यक्रिया भएको हो ।

बुटवलमा ट्रमा सेवा दिदै आएको चौराहा हस्पिटल प्रालिका चिकित्सकको टिमबाट ९९ वर्षिय श्रेष्ठको आईटी (पिएनएफ) को सफल शल्यक्रिया भएको हो । घरमै लडेर उनको हिपको हीमा चोट लागेको नाती नाती विकास श्रेष्ठले बताए । ‘घरमै बेडबाट झरेर हजुरआमा घाईते हुनुभयो,’ उनले भने । उच्च रक्तचापको बाहेक अन्य कुनै रोग नभएकी हजुरआमाको दाया हिपमा फयाक्चर देखिएको उनले बताए । बुढ्यौली उमेरमा जोर्नीमा समस्या देखिएपछि अस्पताल आएको उनले बताए । सखुवानी प्रगति टोलकी श्रेष्ठ सोमबार घरमै लडेकी थिईन ।

उनको विहिबार शल्यक्रिया भयो । अस्पतालमा विशेषज्ञ चिकित्सकको टिमले शल्यक्रिया गरेको हो । अस्पतालमा १० दिन बसाईपछि घर फर्कदै गरेका नाति अरबिन्द नारायण श्रेष्ठले हजुरआमाको राम्रो उपचार पाएको बताए । अब दुई हप्ता घरमै रेष्ट पछि फिजियोथेरापी गर्ने सल्लाह भएको उनले बताए ।

जेठी छोरी बिजयदेवी श्रेष्ठले आमाको उमेरका कारण शल्यक्रिया गर्न शुरुमा डराएको बताईन । यो उमेरमा पनि आमा सबैलाई चिन्ने र राम्ररी बोल्ने गरेको उनले बताईन । घर फर्कदै गरेकी श्रेष्ठसंग उनको ३ छोरीहरू खुशी देखिए । शल्यक्रियामा संलग्न हाडजोर्नी विशेषज्ञ डा मदन ज्ञवालीले उमेर बढ्दै शरीर कमजोर हुने र त्यसमा पनि लड्दा चोट भएकी वृद्धाको टिटि फयाक्चर भएर अस्पतालमा उपचार गरिएको बताए । ‘अस्पतालमा यस किसिमका धेरै केसहरू आउछन ।’ उनले भने । ९९ वर्षको बिरामीको सफल शल्यक्रिया गर्दा धेरै खुशी लागेको उनले बताए । वर्षामा लड्ने र चोटपटक धेरै हुने घटनाहरू बढेको उनले बताए ।