खोज

बुटवल, १ साउन ।

लायन्स क्लब अफ बुटवल स्टार्सद्वारा देवदह नगरपालिका वडा नं. ६ केउलीस्थित सरस्वती आधारभुत बिद्यालयमा सहयोग गरेको छ । क्लबले मंगलबार एक कार्यक्रमका बिच बिद्यायलाई नगद २० हजार रुपैयाँ बराबरको स्टेशनरी, खेलकुद सामग्री, स्कुल ड्रेस, भित्ते घडी लगायतका सामग्री प्रदान गरेको हो । शैक्षिक सामग्री तथा खेलकुद सामग्रीहरु क्लब अध्यक्ष भूपेन्द्र अर्यालले स्कुलका प्रधानाध्यापक खुम बहादुर सारुलाई हस्तान्तरण गरेका हुन् ।

क्लबका पूर्व अध्यक्ष तथा जिएमए कोडिनेटर एम.एल. पाण्डेको जन्म दिनका अवसरमा सहयोग गरिएको थियो । यस्तै कार्यक्रममा लायन्स इन्टरनेशनल डिष्ट्रिक ३२५ पि का पूर्व गभर्नर महेन्द्र नारायण श्रेष्ठले स्टार्सको नारा ‘जहाँ दुख्छ त्यहाँ पुग्छ’भन्ने नारालाई आत्मसाथ गर्दै अति गरिब तथा बिपन्न वर्गका छोराछारीहरुलाई शिक्षाबाट बन्चित नहुन भनेर सहयोग गरेकोमा प्रशंसा गरे । क्लबका पूर्व अध्यक्ष तथा जिएसटि कोडिनेटर आशिष कृष्ण श्रेष्ठले मानवीय सेवा भावले सामाजिक क्रियाकलापमा लायन्सको योगदान उच्च रहेको भन्दै आगामी दिनमा पनि यसले निरन्तरता पाउने बताएका थिए । यसैविच लायन्स क्लब स्टार्स र लियो क्लव स्टार्सले मंगलबार एक कार्यक्रको बिच बृक्षरोपण गरेको छ । देवदह नगरपालिका वडा नं. ६ केउलीस्थित सरस्वती आधारभुत बिद्यालयको प्राङ्गगणमा फलफुलका बिरुवा रोपिएको हो । आँप, लिची, अम्बा लागायत बृक्षरोपण गरिएको संयोजक पिताम्बर अर्याल बताए । अध्यक्ष भुपेन्द्र अर्यालले बृक्षरोपणले बातावरणीय प्रभाव न्यूनिकरण गर्ने बताए र क्लबले हर्बल गर्डेन देवदह र शंकनगर वन विहार तथा अनुसन्धान केन्द्र भित्र पार्क निर्माण गरेको, सिद्धार्थ हाईवे अन्तर्गत बुटवल बहुमुखी क्यापस अगाडी डिभाइडरमा तारजाली र बृक्षारोपण गरी आवश्यकता अनुरुप बृक्षरोपण तथा निर्माण गरिने बताए । जोन चेयरपर्सन तथा क्लबका पूर्व अध्यक्ष अन्जिल खानले पर्यावरण बचाउन तथा जिवजन्तुको लागि यो कार्यले राम्रो भुमिका खेल्ने बताए ।