खोज

बुटवल, २९ असार । रोटरी क्लब अफ बुटवल डाउनटाउनका वर्ष २०२४/२०२५ का अध्यक्ष शिव ज्ञवालीले मानब सेबा आश्रममा आश्रितहरुलाई सहयोग तथा परिसरमा वृक्षारोपण कार्यक्रम गरि पदभार ग्रहण गरेका छन । तिलोत्तमा नगरपालिका पश्चिम पहुनीस्थित आश्रम परिसरमा शनिबार वृक्षारोपण तथा आश्रितलाई खाना खुवाईएको हो । एक समारोहका बिच क्लबका अध्यक्ष शिव ज्ञवाली, फस्ट लेडी शर्मिला ज्ञवालीले आश्रमका प्रदेश संयोजक सरु अधिकारीलाई चेक हस्तान्तरण गरि सुभारम्भ गरे ।

कार्यक्रममा क्लबका अध्यक्ष शिव ज्ञवालीेले क्लबको ९८७ औ नियमित बैठकसंगै आफ्नो कार्यकालको शुभारम्भ आश्रममा सहयोगसंग गरेको बताउदै रोटरीको मुलमन्त्र स्वार्थ भन्दा सेवाको भावनालाई अक्षरस पालना गर्दै सामाजिक उत्तरदायित्वमा निरन्तर लाग्ने बताए । यसैगरि रोटरीले यो वर्ष वृक्षारोपणसंगै संरक्षणलाई जोड दिने गरि अभियान थालेको उनले बताए । साकेतिक रुपमा शनिबार २० वटा धुपिसल्ला रोपेर शुभारम्भ गरिएको छ । यो महिनाभरि नै आम्दा परिसरको रोटरी गार्डेन र रोटरी सचिवालयमा समेत गरि विभिन्न स्थानमा २ सय बढी विरुवाहरु वृक्षारोपण गरिने उनले बताए ।

कार्यक्रममा आश्रमका संयोजक सरु अधिकारीले वर्षभरि नै विभिन्न संघसंस्थाहरुको सहयोगमा आश्रित लक्ष्मीनारायण र बालगोपालहरुलाई खाना खुवाउनेमात्र नभई ब्यवस्थापन गर्न सफल भएको बताइन । आश्रमको अहिलेको अवस्थामा पुर्वाधार निर्माणमा धेरै सहयोग भएको उनले बताईन । सबैका लागि खाना, नाना र छाना, मानवलआश्रमको लक्ष्य रहेको उनले बताईन । २०८२ सम्म देशभर कोहि भोकै र सडकमा नरहने प्रतिवद्घता पूरा गर्ने समय नजिक आईरहेको उनले बताईन ।

कार्यक्रमका संयोजक भरत रानाले विगत समयबाट नै क्लबको सहकार्य रहेको आश्रममा रहेको भन्दै भवन निर्माणको अवस्थामा सागितिक कार्यक्रममा आर्थिक जुटाएको बताए । यसैगरि जुलाई महिनाको मुख्य कार्यक्रम वृक्षारोपण अन्तरगत धुपिसल्ला, कलकि, निम, बेल लगायतका बिरुवा २ सय बिरुवा वृक्षारोपण गरिने उनले बताए । यसैगरि रोटरीको मुलमन्त्र चारसुत्रीय कसी (फोर वे टेष्ट) आश्रमलाई बितरण गरिएको छ ।

कार्यक्रममा निवर्तमान अध्यक्ष कमला मल्ल हमाल, कार्यक्रममा क्लबमा मनिटर नर बहादुर श्रीष, पुर्व अध्यक्ष टंक पराजुली, भिभमलाल श्रेष्ठ ,जीवन अधिकारी, पिताम्बर ज्ञवाली, जबिन कक्षपति, क्लबका सचिव कमल नेपालले सामाजिक हितमा सधै हातोमालो गरेर अघि बढ्ने बताए । आश्रममा हाल सडकबाट उद्घार गरिएका १२० जना आश्रित छन ।