खोज

बुटवल, २३ असार । लायन्स क्लव अफ बुटवल सयपत्रीले वर्ष २०२४—२५ को डिष्ट्रिक टिमलाई सम्मान तथा क्लबमा नया सदस्य स्वागत गरेको छ । लायन्स परिवार बिचको आत्मियता र मित्रताको सम्बन्धलाई अझ प्रगाढ बनाउने उद्देश्यका साथ डिष्ट्रिक टिम, क्लवका पदाधिकारी सदस्यहरु र नयाँ प्रवेश गरेका सदस्यहरुका बिचमा बुटवलमा फेलोसिप कार्यक्रम सम्पन्न भएको हो ।

क्लबका बर्ष २०२४—२५ का अध्यक्ष कमला बस्नेत कुँवरले आफ्नो कार्यकालको पहिलो कार्यक्रममा लायन्स बिचमा सम्बन्ध जोड्ने र परिचित हुने गरि रचनात्मक कार्य गरिएको बताईन । कार्यक्रममा डिजि पदाधिकारी, सदस्यहरुसहित ३० जनालाई ढाका टोपी, खादा लगाएर सम्मान गरिएको थियो । महिला सदस्यहरुबाट स्थापना गरिएको बुटवल सयपत्री यस क्षेत्रमा आफनो कार्यबाट लायन्समा छुट्टै पहिचान बनाउन सफल रहेको उनले बताईन ।

लायन्य ३२५ पि का डिष्ट्रिक गर्भनर पुरुषोत्तमभक्त प्रधानाङ्गले बुटवल सयपत्रीबाट गरिएको सम्मानबाट समग्र पदाधिकारीहरुलाई थप जिम्मेवारी महसुस भएको बताए । वर्ष २०२४—२५ को पहिलो कार्यक्रममा नयां सदस्य प्रवेश गराई क्लबबाट सफल नेतृत्वको संकेत दिने गरि काम अघि बढेको बताए ।

कार्यक्रममा डिष्ट्रिक मल्टिपल मार्केटिङ्ग कोर्डिनेटर अरुणप्रताप राणा, निवर्तमान डिष्ट्रिक गर्भनर अर्जुनमान सैजू, प्रथम उपाध्यक्ष बालाराम भट्टराई, दोस्रो उपाध्यक्ष संदिप कसौधन, पूर्व डिष्ट्रिक गर्भनरहरु महेन्द्रनारायण श्रेष्ठ र नवराज न्यौपाने, डिष्ट्रिकका कोषाध्यक्ष प्रकाश श्रेष्ठ, जिएसटी कोर्डिनेटर अनिल श्रेष्ठ, क्लबका एक्सटेन्सन चियरपर्सन द्धारिका श्रेष्ठ र सागरराज श्रेष्ठ, एफडब्लु सी कोर्डिनेटर सुलोचना श्रेष्ठ, एरिया चिफ दिपक श्रेष्ठ, शान्ती पाठक, रिजन चियरपर्सन विष्णु उपाध्याय, जोन चियरपर्सन महेश श्रेष्ठ, संस्थापक अध्यक्ष प्रतिभा श्रेष्ठले लायनबादबारे प्रकाश पारे । पूर्वअध्यक्ष सवनम श्रेष्ठको संयोजकत्वमा आयोजित कार्यक्रममा सचिव शान्ति लक्ष्मी अर्याल, पूर्व अध्यक्ष सविना श्रेष्ठले क्लबको बारेमा जानकारी दिएका थिए । क्लबमा हाल ६५ जना सदस्यहरु रहेका छन ।