© २०२३
९ मंसिर २०८१, आईतवार
९ मंसिर २०८१, आईतवार
काठमाडौं,१७ असार । नागरिक उन्मुक्ति पार्टी नाउपाको संसदीय दलबाट रन्जिता श्रेष्ठ आउट भएकी छन् । केन्द्रीय अध्यक्ष समेत रहेकी रञ्जिता श्रेष्ठलाई दलको नेताबाट हटाउँदै बहुमत सांसदले शेरम चौधरी पक्षका गङ्गा चौधरीलाई दलको नेता चयन गरेका छन्।
चौधरी यसअघि प्रमुख सचेतक थिए । प्रमुख सचेतक रहेका चौधरीलाई दलको नेता चयन गर्दै प्रमुख सचेतकको जिम्मेवारी लालवीर चौधरीलाई दिने निर्णय भएको छ । लालवीर चौधरी रेशम चौधरीका बुवा हुन्।
नाउपा केन्द्रमा चार सांसद छन्। ती मध्ये तीन जनाले उक्त निर्णयमा हस्ताक्षर गरेका छन्।
गङ्गा चौधरी, अरुण चौधरी र लालवीर चौधरीले नाउपा संसदीय दलको नेताबाट रञ्जिता श्रेष्ठलाई हटाउँदै गंगा चौधरीलाई जिम्मेवारी दिने निर्णयमा हस्ताक्षर गरेका छन् भने रञ्जिता चौधरीको हस्ताक्षर छैन।
दलको नेता परिवर्तनको निर्णय गरिएको विषय अहिले बहुमत सांसदहरूले शीर्ष नेताहरूलाई जानकारी गराइसकेका छन्। नाउपाको यो निर्णयले केन्द्रदेखि प्रदेश सरकारसम्म असर पर्ने देखिन्छ ।
© २०२३
सर्वाधिकार सुरक्षित
Design & Developed By:
