खोज

बुटवल (बुटवल टुडे), १६ असार – रोटरी क्लब अफ सेन्ट्रल लुम्बिनीले अर्घाखाँचीको खुम्चिकोट हाल सितगंगा १२ मा अबस्थित दरबारे आधारभूत विद्यालय सहयोग प्रदान गरेको छ । क्लवका अध्यक्ष राम बहादुर कोइरी २०२३–२४ कार्यकालको अन्तिम दिन अर्घाखाँची विद्यालयमा अध्यनरत विद्यार्थीहरूलाई १०० थान स्कूल ब्याग र ३५ जोडी चप्पल हस्तान्तरण गरेको हो ।

सोही अवसरमा यही गाउँका निवासी जो दाउरा काट्ने बेला रुख देखि खसेर ढाड भाँचिएर घाइते भएका दोण बेल्वासेको उपचारार्थ र उनको बच्चाकोे पढाईमा सहयोग स्वरूप रू १५१२०/– प्रदान गरिएको थियो । गरीब परिवारका विद्यार्थीहरूलाई सहयोग पुयाउने यस कार्यलाई दरबारे आधारभुत विद्यालयका प्राचार्य खगिश्वर घिमिरे तथा विद्यालय समिती अध्यक्ष देवेन्द्र पौडेलले रोटरी क्लब अफ सेन्ट्रल लुम्बिनीलाई धन्यवाद दिएका थिए । रोटरी डिष्ट्रिक्ट ३२९२ का असिस्टेन्ट गभर्नर जमुना पौंडेल, हीरा बहादुर शाह, डिष्ट्रिक्ट ज्वाइन्ट सेक्रेटरी कृष्ण प्रसाद पाण्डे, भूतपूर्व अध्यक्ष प्रेम शर्मा लोहनी लगायतले आ आफ्नो भनाई राखेका थिए ।

अध्यक्ष रामबहादुर कोइरी ले आफ्नो कार्यकालको अंतिम दिन दुर्गम गाउँहरूका विद्यालयलाई सहयोग पु¥याउँदा अत्यन्त आत्मसन्तोष भएको बताउँदै ८ बर्षदेखि बिभिन्न ठाँउमा यस्ता किसिमका सामाजिक कार्य गर्दै आएको बताएका थिए ।