खोज

बुटवल, ११ असार । ब्यवस्थापन विषयमा उत्कृष्ट शैक्षिक संस्थाका रुपमा परिचित एम्स कलेज, बुटवलले पाच दिने परियोजना प्रतिबेदन एवम प्रस्ताव पत्र लेखन प्रशिक्षण कार्यक्रम सम्पन्न गरेको छ । प्राध्यापकहरुको शैक्षिक उन्नोयनसगै प्रतिवेदन, प्रस्ताव पत्र एव अध्ययन अनुसन्धानको गुणस्तरियता अभिवृद्धि गर्ने गरि विश्व विद्यालय योजना आयोगको सहयोगमा कार्यक्रम गरिएको क्याम्पस प्रमुख दीपक ढकालले बताए ।
कार्यक्रमको समुद्घाटन गर्दै लुम्बिनी विश्वविद्यालयका उपकुलपति प्रा. डा. सुबर्णलाल बज्राचार्यले समयसापेक्ष अनुसन्धानात्मक गतिविधिबाट शैक्षिक गुणस्तर बृद्धि हुने बताए ।

कार्यक्रममा स्कलर्स होम स्कुलका प्राचार्य बावुराम बन्जाडेले प्रतिस्प्रर्धात्मक परिवेशमा अनुसन्धानको विषय अति उपायोगी र आवश्यकता भएको बताए ।

कार्यक्रममा प्रा. डा. सुबर्ण लाल बज्राचार्य, लुम्बिनी विश्वविद्यालयका कार्यकारी निर्देशक उकेश राज भुजु, त्रिभुवन विश्वविद्यालयका सहायक प्राध्यापक विजय लाल प्रधान, शंकरदेव क्याम्पसका पुर्व क्याम्पस प्रमुख धनराज चालिसे, बावुराम बन्जाडे र दीपक ढकालले परियोजना प्रतिवेदन लेखन्, प्रस्ताव पत्र तयारी, लिटेरचर रिभ्यु, अनुसन्धान ढाचा र विधि, अनुसन्धान लेखन शैली, तथ्याङ्ग् विश्लेषण र प्रस्तुतिकरण, अनुसन्धानमुलक लेख लेखन जस्ता विषयहरुका बहुआयामिक पक्षमा प्रशिक्षण गराएका थिए । कार्यक्रक्रमा एम्स कलेजका १७ जना र अन्य कलेजका ११ जना गरी २८ जना प्राध्यापकहरुको सहभागिता रहेको थियो ।