© २०२३
९ मंसिर २०८१, आईतवार
९ मंसिर २०८१, आईतवार
काठमाडौं,६ असार । नेपाली कांग्रेसका महामन्त्री विश्वप्रकाश शर्माले गिरीबन्धु टी–इस्टेटको जग्गामा छानबिन समिति बनाउन माग गरेका छन् ।
बिहीबार काठमाडौंमा आयोजित एक गोष्ठीलाई सम्बोधन गर्दै उनले यस्तो माग गरेका हुन् ।
संघीय सांसद समेत रहेका शर्माले गिरीबन्धुको जग्गा हिनामिनाको निर्णय हुँदा २०५२ सालमा एमालेको सरकार रहेको, २०६० सालको सरकार सूर्यबहादुर थापाको रहेको र २०७८ सालमा केपी शर्मा ओलीको नेतृत्वमा सरकार रहेको बताए । यति प्रष्ट हुँदा पनि एमाले अध्यक्ष ओलीले कांग्रेसले जग्गा बेचेर खाएको आरोप लगाएको भन्दै उनले छानबिन समिति बनाएर पुष्टि गर्न चुनौति दिए ।
‘केपी कमरेडले फेरि पनि भन्नुभयो कि, गिरीबन्धु प्रकरणमा कांग्रेसले ९१ बिघा जग्गा बेचेर कमिसन खायो । त्यो केपी कमरेडमा रहेको अधिकतम आवेगको कुरा हो’ उनले भने ।
नभएको दोष कांग्रेसमाथि लगाउँदा आफूहरू चुप लागेर नसुन्ने शर्माले बताए । आवेगले उठाएको प्रश्नलाई विवेकले जवाफ दिन कांग्रेस पछि नपर्ने भन्दै शर्माले सरकारमा तपाईंहरू हुनुहुन्छ, खोल्नुस् गिरीबन्धुको फाइल र बनाउनुस् छानबिन समिति भनेका छन् ।
© २०२३
सर्वाधिकार सुरक्षित
Design & Developed By:
