खोज

बुटवल, २ असार ।

आर्थिक मन्दीको मारमा परेको ब्यवसायीहरुलाई उकास्ने गरी सरकारबाट राहतका योजना ल्याउन रुपन्देहीका ब्यवसायीहरुले आग्रह गरेका छन् । रुपन्देही ईभेन्ट्स ब्यवसायी संघको प्रथम साधारण सभा तथा अधिवेशनमा बोल्ने ब्यवसायीहरुले करको दर नभई दायरा बनाउनेतर्फ सरकार लाग्नुपर्ने सुझाव दिएका छन् ।

कार्यक्रमको एक समोराहका बिच शनिबार सिद्धार्थनगर नगरपालिकाका नगरप्रमुख ईस्तियाक अहमद खाँ ले उद्घाटन गर्दै ईभेन्ट्स ब्यवसायीहरुको सीप दक्षता अभिवृद्धिसंगै सामाजिक उत्तरदायित्वमा अग्रसर रहन सफल भएको बताए । ईभेन्टस ब्यवसाय आम नागरिकको ईज्जतसंग जोडिएको र सामाजिक उत्तरदायित्वको ब्यवसाय भएको उनले बताए । धेरै मेहनत, परिश्रम, योगदान हुने यो पेशालाई संगठित गर्दै अगाडि बढेको संस्थालाई स्थानीय सरकारको सधै साथ रहने उनले बताए ।

कार्यक्रममा सिद्धार्थ होटल तथा रेष्टुरेन्ट ब्यवसायी संघका अध्यक्ष चन्दप्रकाश श्रेष्ठले ईभेन्ट्स ब्यवसाय र होटल एकअर्काको परिपुरक भएको भन्दै मिलेर अघि बढ्न जरुरी रहेको बताए । ब्यवसायीहरुको अवस्था दयनीय वर्तमान अवस्थामा यसलाई सुधार गर्ने गरी नीतिगत रुपमा नै सरकारबाट विशेष ब्यवस्थापन हुन जरुरी रहेको उनले बताए । अन्तर्राष्ट्रिय विमानस्थल सुचारु गर्न सकेमात्र सुधारको संकेत देखिने उनले बताए । सेवामुलक ब्यवसाय टेन्ट हाउस ब्यवसायमा करको दर बढाउँदा आफुहरु समस्यामा परेको उनले दुखेसो गरे । स्थानीय सरकारबाट कर बढी भएको उनले बताए ।

कार्यक्रममा सिद्धार्थनगर नगरपालिका वडा नं. ५ का वडाअध्यक्ष पुरन श्रेष्ठ, सिद्धार्थनगर उद्योग वाणिज्य संघका उपाध्यक्ष दिलिप कुमार कान्दु, उद्योग व्यापार संगठनका अध्यक्ष दर्पण श्रेष्ठ, रुपन्देही व्यापार संघका उपाध्यक्ष प्रेम पाण्डे, नेपाल मुश्लिम संघ रुपन्देही जिल्लाका अध्यक्ष संसद अहमद, सल्लाहकार चन्द्रमोहन पटवा, संघका सल्लाहकार अफरोज अहमद, सुनिल क्याटरिङका संचालक सुनिल हलुवाई, संयोजक तथा संघका सहसचिव वसिम अहमदले अस्वस्थ प्रतिस्पर्धालाई हटाउन, समस्या समाधान गर्न सहज हुने बताए ।

कार्यक्रममा कार्यबाहक अध्यक्ष मोहम्मद इसरारले ब्यावसायिक हकहितको पक्षमा आवाज उठाउने गरी स्थापनाको छोटो समयमा नै उत्कृष्ट कार्य गर्दै संस्थागत पहिचान गराउन सफल भएको बताए ।

कार्यक्रममा संघका सचिव किरण श्रेष्ठले टेन्ट, लाईट, साउण्ड र क्याटरिङ लगायत सेवामुलक ब्यवसायीहरुलाई एकतावद्घ गरी ब्यवसायीहरुको हकहितका बिषयमा सरोकारवाला निकायसंग समन्वय र सहकार्य गरी अघि बढ्न प्लेटफर्मका रुपमा संस्था गठन गरेर सफल भएको बताए । हाल संस्थामा रुपन्देही जिल्लाका १४० जना सदस्यहरु दर्ता भएको उनले बताए ।

रुपन्देही ईभेन्ट्स ब्यवसायी संघमा किरण श्रेष्ठ

रुपन्देही ईभेन्ट्स ब्यवसायी संघको शनिबार सम्पन्न प्रथम साधारण सभा तथा अधिवेशनबाट किरण श्रेष्ठको अध्यक्षतामा १७ सदस्यीय कार्यसमिति सर्वसम्मत निर्वाचित भएको छ । जसको उपाध्यक्षमा मोहम्मद इसरार, सचिवमा दुर्गेश गुप्ता, कोषाध्यक्षमा महेश पौडेल, सहसचिवमा वसिम अहमद, सदस्यहरुमा मोहम्मद खलिल, मोहम्मद हजरत खाँ, राजेश कुमार मिश्रा, मो.ईलियास चुरिहार, कलामुद्धिन मुसलमान, सेराज अहमद, अफ्रोज अहमद मु., रामसहाय लोहर, दिलिप कलवार, कृष्ण श्रेष्ठ, महेन्द्र यादव, संजय गुप्ता निर्वाचित भएका हुन् ।