खोज

बुटवल, १ असार ।

अर्घाखाँचीको चिदिकाबाट रुपन्देही आइ बसोबास गर्नेहरुको संस्था चिदिका–रुपन्देही सम्पर्क समाजले शनिबार रक्तदान कार्यक्रम सम्पन्न गरेको छ । रक्तदान कार्यक्रमको उदघाटन जिल्ला समन्वय समिति अर्घाखाँचीकी उपप्रमुख लक्ष्मी शर्मा ज्ञवालीले गरेकी थिइन् ।

त्यस अवसरमा उनले रक्तदान जस्तो मानवीय कामलाई समाजले अगाडि बढाएकोमा प्रशंसा गरिन् । उनले सामाजिक क्षेत्रमा संस्थालाई अझ बढी सक्रिय बनाइराख्न आग्रह गरिन् ।

समाजका अध्यक्ष गिता ज्ञवालीले समाजले हरेक वर्ष रक्तदान कार्यक्रमलाई निरन्तरता दिंदै आएको बताइन् । रक्तदान कार्यक्रममा १५१ जनाले रक्तदान गरेको समाजका सचिव हेमनाथ ज्ञवालीले जानकारी दिए । उनले रक्तदान जस्तो मानवीय कार्यलाई समाजले प्रत्येक वर्ष जारी राखेको बताउँदै आगामी दिनमा पनि यसलाई निरन्तरता दिने बताए । उनले रचनात्मक क्रियाकलापमा समाजलाई सधै सक्रिय बनाइराख्न सबैको सहयोग र सुझाव आवश्यक रहेको पनि बताए । कार्यक्रममा समाजका संस्थापक अध्यक्ष, पुर्व तथा निवर्तमान अध्यक्ष, सल्लाहकारहरु तथा चिदिकाबाट रुपन्देही आइ बसोबास गर्नेहरुको ठूलो संख्यामा उपस्थिति थियो ।

कार्यक्रमका अवसरमा समाजका उपाध्यक्ष कमल अर्यालले रक्तदान जस्तो मानवीय र पवित्र कामलाई समाजले हरेक वर्ष अघि बढाएको र यसबाट रगतको अभावमा बाँचिरहेकाहरुलाई राहत पुगेको बताएका थिए । रक्तदान गर्नेहरुलाई प्रमाणपत्र समेत प्रदान गरिएको थियो । ररक्तदान कार्यक्रम कमल भण्डारीको संयोजकत्वमा सम्पन्न भएको धियो । समाजले बिरामीको उपचारका लागि सहयोग पु¥याउने उद्देश्यले चिदिकाबासीलाई एम्बुलेन्स समेत प्रदान गरिसकेको छ ।