© २०२३
९ मंसिर २०८१, आईतवार
९ मंसिर २०८१, आईतवार
बुटवल, २७ जेठ । मेडिकल ल्याबोरेटरी एशोसियशन अफ नेपाल (मेलान) ले आफनो स्थापना दिवसमा सामाजिक उत्तरदायित्व अन्तरगत बृद्धाश्रममा खाद्यान्न तथा फलफूल प्रदान गरि मनाएको छ । मेलानको १९ औं स्थापना दिवसको अवसरमा मेलानका रुपन्देही, केन्द्रिय समिति र लुम्बिनी प्रदेशको आयोजनामा शनिबार बुटवल उपमहानगरपालिका वडा नं. २ मा रहेको श्री सिद्धबाबा दुर्गा भवानी शिवकुमारी सैंजु बृद्धाश्रममा खाद्यान्न, सरसफाईका सामान तथा फलफूल वितरण गरिएको हो ।
पारिवारीक कारण समस्यामा परेका बृद्धबृद्धालाई सहयोग मिल्ने गरि बृद्धाश्रम स्थापना गरिएको आश्रमका अध्यक्ष महेश्वर श्रेष्ठले बताउदै यसमा संघसंस्थाहरुको सहयोग निरन्तर जरुरी रहेको बताए । कार्यक्रममा मेलान केन्द्रिय सचिवालय सदस्य गुणनिधि खनाल, मेलानका प्रदेश उपाध्यक्ष मानबहादुर श्रेष्ठ, मेलान रुपन्देहीका अध्यक्ष नारायण पौडेलले सहयोग सामग्री हस्तान्तरण गरे । यसैगरि स्थापना दिवसमा शनिबार जिल्लाका सबै ल्यावमा निल्शुल्क सुगर परिक्षण गरिएको मेलान रुपन्देहीका अध्यक्ष नारायण पौडेलले बताए ।
© २०२३
सर्वाधिकार सुरक्षित
Design & Developed By:
